AmbonVibes.com — Warga Ambon kumbali tatongka masalah susah dapa bahan bakar minyak (BBM) dalang dua-tiga hari ka blakang ini. Akang biking sampe orang yang pake oto deng motor biking barisan panjang di samua SPBU. Akang antrean biking macet di sajumlah ruas jalang utama.
Dar hasil lia-lia di lapangan, dapa tau antrean kandaraan su macang ular balingkar dar pagi sampe sore, bae di kawasan SPBU Balakang Kota Jalan Pante Mardika, SPBU Kebun Cengkeh, SPBU Soabali mopun SPBU laeng.
Sajumlah warga meangaku mustri antre jam-jam, bahkan dar malang hari par dapa BBM. Salah satu sopir oto mancari Lutfi, mangaku datang dari har Minggu malang dan baru bisa dapa isi minya pas akang pung eso.
“Beta datang dar malang, mar baru bisa isi pagi. Kadang juga su antre lama mar seng dapa bageang tagal stok abis,” ujar Lutfi.
Keluhan yang sama juga datang dar warga laeng Arnold, yang mangaku su antre dar jam 07.00 WIT mar balong dapa jatah.
Kapadatan tarjadi di sajumlah SPBU macang di Kawasan Slamet Riyadi, Pohon Pule, sampe Wayame yang jadi titik utama distribusi BBM di akang kota.
Mananggapi kondisi ini, Pertamina Regional Ambon kastau stok BBM di wilayah Maluku, khususnya Ambon, dalam kondisi aman.
Mar bagitu, Pertamina mangakui ada gangguan distribusi di satu dua titik biking kalangkaan samantara di SPBU tartantu.
“Katong mo tambah volume pangiriman deng biking evaluasi tarhadap alokasi kuota supaya antrean bisa kas kjurang,” bagitu panjalasan Pertamina.
Ketua DPRD Kota Ambon Morits Tamaela bilang, antrean panjang yang tarjadi marupakan pamandangan yang mamprihatinkan deng musti lakas uros akang.
Dia sorot antrean padat di sajumlah SPBU, tarmasuk di kawasan Wayame, Lateri, sampe SPBU Belakang Kota yang rame dapa komentar banya di di media sosial.
“Kalo ada katarlambatan, bahkan satu jam saja, itu musti lakas respons. Pangalola SPBU wajib lapor, dan Pertamina musti bagara capat agar seng bawa dampak ka masyarakat,” tegas Morits di ruang kerja, Senen (30/3/2026).
Manurut Morits, kalo stok banar dalang kondisi aman macang yang Pertamina bilang, maka parsoalan basar kemungkinan ada di distribusi ato suplai ka SPBU.
Dia jelaskan, antrean panjang seng mungkin tarjadi kalo stok tasadia dan saluruh pompa barfungsi normal. Sabaliknya, kalo cuma sabageang pompa operasi, akang jadi indikasi adanya katarbatasan pasokan.
Morits juga biking inga pangalola SPBU par seng pake situasi deng tahang stok, tagal hal itu cuma par biking buruk kondisi deng biking rugi masyarakat.
“Katong harap seng ada yang barmain dalang kondisi ini. Kalao memang stok kurang, lakas lapor par bisa lakas dapa suplai,” ujar Morits.
Maski bagitu, dia harap parsoalan ini murni tagal kandala teknis, bukang unsur kasangajaan.
Sabage langkah lanjutan, DPRD Kota Ambon malalui Komisi II mo koordinasi deng dinas takait, tarmasuk Dinas Perindustrian dan Perdagangan, par pantau langsung di lapangan.
Pemerentah daerah pun dapa minta par lakas ambe langkah konkret par biking bae sistem distribusi dan pastikan panyaluran BBM bajalang lancar deng tepat sasaran par masyarakat. (Tim)
