AmbonVibes.com — Kalompok Siswa Pencinta Alam (Sispala) Pattra 28 SMA Negeri 1 Ambon pung stel laeng dar laeng par biking hari jadi ka-81 Kamerdekaan Republik Indonesia. Dong seng biking di sakolah pung kintal malaengkang biking di dasar laut.

Katua Panitia Hari Jadi ke-81 RI Sispala Pattra 28 Jessyca Evelin Berhitu kastau, dong pung akang aksi heroik itu sangaja dong biking par pesta hari jadi RI, Senen, 17 Agustus 2026. Tampa yang dapa pilih itu lautang di Negeri Morella, Maluku Tengah, sabalah utara Pulau Ambon.

“Tampa ini dapa pilih tagal pung potensi bahari yang gagah. Selaeng itu, akang pung tampa paleng strategis par aksi palastarian lingkungan,” kata Jessyca di Ambon, Sabtu (15/8/2026).

Jessyca bilang, ada 20 anggota Sispala Pattra 28 yang dapa pilih par jadi panitia deng patugas upacara. Pas akang dong pung maksud, dong su biking parsiapan deng instruktur Zainal H. Renuat di Markas Ambon Dive Explore, Laha.

Iko skenario, hari H nanti, patugas yang dapa tunju samua pake alat-alat molo, lalu dong turung ka dasar laut par tanang tiang, abis itu baru kas nae bandera. Maski dalang air masing, manurut Jessyca, prosesi panghormatan bandera nanti juga pake kode tangang par tanda lagu Indonesia Raya. (Editor Rudi Fofid)

Anggota Komisi II DPRD Provinsi Maluku Ary Sahertian bilang akang par wartawan di Ambon, Jumat (14/8/2026), manyusul rapat kerja Komisi II deng sajumlah instansi teknis, Kamis (13/8/2026).

Dalang akang rapat, Komisi II kas hadir Dinas PUPR Provinsi Maluku, Dinas Pertanian Maluku, Perum Bulog Wilayah Maluku, Balai Besar Perkebunan Provinsi Maluku, Balai Sungai Wilayah IX Maluku, Balai Karantina Wilayah IX Maluku, deng Balai Perakitan dan Modernisasi Pertanian Wilayah IX Maluku.

Ary mengatakan, rapat tersebut merupakan tindak lanjut hasil pertemuan Komisi II dengan Dinas Pertanian Provinsi Maluku, terkait penyampaian aspirasi Komisi II kepada Kementerian Pertanian di Jakarta.

Manurut Ary, Komisi II manghadirkan sajumlah instansi teknis, tagal parsoalan pertanian di Maluku seng cuma jadi urusan parsoalan Dinas Pertanian. Tagal parlu katarlibatan barbage pihak, par parsoalan di lapangan bisa dapa tangani sacara manyaluruh.

“Katong mo lia sacara manyeluruh Dinas Pertanian biking apa. Tagal itu, katong undang samua instansi teknis yang takait pertanian. Dinas Pertanian seng bisa bajalang sasandiri,” kata Ary.

Dia bilang, salah satu parsoalan yang Komisi II dapa lapangan adalah, kondisi sajumlah jaringan irigasi yang seng barfungsi lai deng optimal.

Sabageang jaringan rusak, samentara di lokasi laeng, sumber air karing.

Padahal, kata Ary, kabaradaan irigasi paleng manantukan kabarhasilan produksi pertanian, lebe khusus par dukung lahan parsawahan deng program swasembada pangan.

“Pananganan lokasi sawah parlu irigasi. BWS lia di dalang, PUPR juga iko,” ujar Ary.

Ary kase contoh, kondisi di Negeri Sariputih, Kecamatan Seram Utara Timur Kobi, Kabupaten Maluku Tengah, di mana petani gagal panen, tagal jaringang irigasi seng barfungsi yang biking sampe lahan karing.

Manurut Ary, parsoalan itu musti jadi parhatian sarius, tagal pemerentah ada dorong kebijakan swasembada pangan. Jang sampe paningkatan produksi pertanian seng dapa dukung infrastruktur dasar yang mamadai.

Dia bilang, samua kabijakan sektor pertanian pada akhirnya musti kase manfaat langsung par masyarakat, tarutama para petani yang jadi palaku utama produksi pangan.

“Harapan katong, dalang kebijakan swasembada pangan, Maluku juga pung peluang par manikmati akang pung hasil, deng masyarakat bisa manikmati apa yang dong karja akang,” ujar dia.

Salaeng parsoalan pertanian, Komisi II juga manyoroti potensi sumber daya alam Maluku, yang salama ini dapa kirim ka luar daerah mopun ekspor.

Akang hal ini jadi parhatian, tagal akang potensi pung potensi balong batul-batul kase kontribusi optimal par pandapatan daerah.

Ary bilang dalang rapat deng instansi teknis, komisi dapa panjelasan dar Balai Karantina takait babage komoditas asal Maluku, yang kaluar daerah dalang jumlah besar.

“Banya sumber daya alam katong yang dapa bawa kaluar bahkan ekspor mar daerah balong dapa manfaat optimal. Ini jadi konsekuensi yang musti katong lia, par kasnae PAD,” kata Ary.

Ary bilang, akang potensi seng cuma dar sektor pertanian, mar juga sektor kalautan deng parikanan, macang ikang deng kapiting dapa kirim kaluar daerah dalang jumlah basar.

“Bukang saja pertanian yang dapa ekspor, mar ada juga sumber daya alam laeng macang, ikang, kepiting, udang dan jenis-jenis laeng. Manurut panjelasan yang katong dapa, akang pung jumlah bisa sampe ratusan ton deng proses itu sabang hari,” ungkap Ary.

Manurut Ary, akang kondisi musti jadi parhatian pemerentah daerah, par biking kebijakan paningkatan PAD.

Deng kondisi fiskal Maluku yang masih tarbatas, pemerentah parlu cari sumber-sumber pandapatan baru, sakaligus pastikan potensi ekonomi daerah bisa kase manfaat par masyarakat.

Tagal itu, Komisi II mo biking hasil rapat deng instansi teknis sabage bahan, par susun rekomendasi par Pemerentah Provinsi (Pemprov) Maluku.

“Katong hap rekomendasi Komisi II par pemerentah daerah, lebe khusus dinas yang bartanggung jawab aerhadap redistribusi dan parpajakan, bisa loa ini deng bae deng biking inovasi-inovasi baru par paningkatan PAD,” jelas Ary.

Ary harap, rekomendasi itu seng cuma sampe di dokumen, mar pemerentah daerah kas lanjut jadi kabijakan konkret.

Manurut dia, panguatan koordinasi antar lembaga paleng parlu par barbage potensi deng parsoalan di Maluku bisa dapa urus akang sama-sama.

Dia bilang, sinergi lintas instansi paleng panting, par tau pambangunan sektor partanian bajalan sairing, deng upaya maningkatkan kasajahteraan masyarakat deng pandapatan daerah.

“Deng kondisi fiskal katong yang randa, ini jadi nalar deng pikirang katong ka muka, par kas majo Maluku dar sisi pandapatan, par masyarakat bisa rasa hasil dar apa yang dong karja,” tandas Ary. (Red/Merindu)

Akang hal bukang cuma sabatas kaluhan masyarakat. Dinas Lingkungan Hidup dan Persampahan (DLHP) Kota Ambon sabalong ini su pareksa instalasi pangolahan air limbah (IPAL) akang gerai, 27–28 April 2026.

Kapala DLHP Kota Ambon Apries Benel Gaspersz bilang hasil pamariksaan itu su jadi bahan evaluasi pemerentah. Dong su ansprak deng sajumlah organisasi parangkat daerah (OPD) deng pangelola Mie Gacoan.

“Katong su rapat koordinasi deng OPD takait, Satpol PP, Indag deng pangelola Mie Gacoan. Rapat dapa pimpin dar Asisten,” kata Apries par Porostimur.com, Jumat (14/8/2026).

Manurut Apries, pemerentah seng langsung maeng kas barenti aktivitas usaha, mar kase kasampatan par pangelola biking bae sistem IPAL bardasarkan rekomendasi hasil pamariksaan DLHP.

“Pangelola dapa kase waktu par biking bae IPAL iko rekomendasi DLHP,” ujar Apries.

Langkah itu manampatkan parsoalan Mie Gacoan di tahap pambinaan sakaligus pangawasan. Mar, kasampatan biking bae sistem pangolahan aer limbah juga bararti pangelola pung kawajiban pastikan IPAL seng cuma tasedia sacara fisik, mar batul-batul pung fungsi mangolah aer limbah sabalong lapas ka lingkungan.

Apalai, aktivitas usaha kuliner akang pung limbah caer dar barbage kagiatan, mulai dar pancucian bahan makanang deng paralatan, aktivitas dapur, sampe panggunaan fasilitas sanitasi.

Salaeng pambanahan IPAL, pangelola wajib biking laporan barkala tarhadap hasil uji kualitas aer limbah.

“Lapor sacara barkala kualitas hasil uji aer limbah musti iko katantuang,” jelas Apries

Akang kawajiban jadi bageang panting par pastikan akang pung proses efektif. Sebab, kabaradaan IPAL saja seng otomatis manjamin aer limbah yang kaluar su iko standar parameter kualitas yang jadi akang pung syarat.

Hasil uji barkala juga bisa par pemerentah pantau parubahan kualitas aer limbah setelah pangalola biking parbaikan.

Parsoalan di sakitar gerai Mie Gacoan tarnyata seng cuma parsoalan IPAL.

Apries bilang, kondisi drainase di sakitar lokasi juga jadi parhatian pemerietah. Pangalola ssbalom ini sampekan parsoalan drainase yang jadi kawenangan Dinas Pekerjaan Umum dan Penataan Ruang (PUPR).

“Parmintaan pangalola par drainase yang marupakan kawenangan PUPR juga jadi parhatian pemerentah tagal drainase yang tasumbat juga ada pangaruh,” kata Apries.

Deng bagitu, pemerentah lia parsoalan lingkungan di kawasan itu sacara lebe manyaluruh. Kalo ada masalah IPAL, maka sistem itu musti biking bae akang. Samantara kalo drainase tasumbat ato parsoalan teknis laeng, aspek itu juga parlu tangani akang sasuai kawenangan instansi takait.

Pas abis pamariksaan lapangan, April 2026 lalu, pemerentah kumbali biking pambahasan deng pihak Mie Gacoan, 27 Juli 2026.

Rapat itu bahas hasil temuan lapangan deng langkah parbaikan yang musti pangelola biking akang. Katarlibatan sajumlah OPD manunjukkan akang parsoalan parlu pananganan lintas sektor. DLHP berwenang pada aspek lingkungan, samantara parsoalan drainase takait deng PUPR. Satpol PP deng parangkat daerah laeng bisa ampe peran sesuai kawenangan masing-masing.

Koordinasi jadi penting par pananganan seng barenti di satu aspek, samantara sumber gangguan laeng tetap dapa kas biar. Apries managaskan, DLHP Kota Ambon masih biking pamantauan tarhadap pangalolaan akang limbah gerai.

“Pihak DLHP Kota Ambon tarus biking pamantauan takait parmasalahan limbah Mie Gacoan sampe dong biking kagiatan iko katantuan yang ada,” tegas Apries

Parnyataan itu sakaligus manunjukkan pambarian waktu parbaikan bukang bararti pangawasan tarenti. Justru, efektivitas langkah pemerentah akang dapa lia dar dua hal: Apakah rekomendasi DLHP batul-batul dong biking deng dan apakah abis biking bae, dilakukan perbaikan, persoalan bau limbah itu su bisa atasi akang.

Kaluhan warga sabalong ini mangaku bau seng sadap paleng mangganggu masyarakat, pajalang kaki deng konsumen yang datang ka akang gerai. Sakarang, setelah pemerentah dapa parsoalan di sistem IPAL deng kase waktu par pangelola biking bae dong pung IPAL, publik tantu tunggu akang pung hasil nyata.

Kalo sumber gangguan memang barasal dar sistem pangelolaan aer limbah, maka parbaikan IPAL musti mampu atasi akang. Bagitu lae kalo drainase turut jadi faktor, maka parsoalan itu parlu tangani sacara barsamaan.

Masyarakat seng cuma parlu rapat, rekomendasi, deng pamariksaan, mar juga hasil yang bisa dong dapa rasa langsung Laste-laste, parsoalan Mie Gacoan bukang cuma soal bau. Ini manyangkut bagemana aktivitas usaha di tengah kawasan padat kota bisa bajalang deng sondor lupa warga pung rasa nyaman deng kawajibang par jaga lingkungan.

Sakarang bola ada di tangang pangelola deng pemerientah: Apakah pambenahan IPAL deng pananganan drainase mampu jawab kaluhan warga yang salama ini ciong bobou busu di Jalan Rijali? (Josian)

Manurut Anos, setelah lia-lia Kaputusan Menteri Kauangan (KMK) Nomor 198 Taong 2026, ada fakta kalo akang kondisi juga sama deng di sajumlah pemerentah provinsi laeng.

“Dalang akang dokumen, bukang cuma Pemerentah Provinsi Maluku yang dapa nihil Tambahan DAU Taong Anggaran 2026.

Pemerentah Provinsi Nusa Tenggara Timur dan Pemerentah Provinsi Maluku Utara juga sama-sama seng dapa,” kata Anos dalang katarangang, Jumat (14/8/2026).

Dia manilai, akang informasi ini parlu paskali samua warga mangarti bae-bae par pambahasan manganai kabijakan fiskal pemerentah pusat tetap pake akang data, bukang asumsi.

Anos bilang masih banya pihak yang campor aduk antara Tambahan DAU Taong Anggaran 2026 deng panyaluran kurang bayar sampe Taong Anggaran 2024.

Manurut dia, kadua komponen marupakan pos yang beda.

Dia kastau, Pemerentah Provinsi Nusa Tenggara Timur memang tarima sakitar Rp17,415 miliar, mar akang kepeng barasal dar komponen panyaluran kurang bayar, bukang Tambahan DAU 2026.

Hal sarupa juga tarjadi par Pemerentah Provinsi Maluku Utara yang ada tarima sakitar Rp61,584 miliar, deng Pemerentah Provinsi Maluku yang dapa sakitar Rp8,160 miliar, yang juga barasal dar komponen panyaluran kurang bayar.

“Karena itu, seng batul kalo akang angka-angka dapa anggap sabage Tambahan DAU Taong Anggaran 2026,” ujar dia.

Di sisi laeng, Anos manyoroti fakta kalo saluruh pemerentah kabupaten deng kota di Provinsi Maluku justru dapa alokasi Tambahan DAU 2026.

Manurut dia, total tambahan yang 11 kabupaten/kota di Maluku tarima akang sakitar Rp577,88 miliar.

Fakta itu, kata dia, manunjukkan parsoalan alokasi Tambahan DAU seng sederhana yang saparuh orang mangarti akang, saolah-olah pemerentah pusat kurang lia-lia Provinsi Maluku.

Maski bagitu, Anos manilai Pemerentah Provinsi Maluku tetap parlu kase panjalasan par DPRD tarkait alasan seng dapa Tambahan DAU Taong Anggaran 2026.

Dia minta TAPD kastau formula mopun variabel yang pemerentah pusat pake par ator akang kepeng.

Manurut Anos, aspek yang parlu buka akang menyangkut kondisi fiskal daerah, kabutuhan balanja pagawe, tarmasuk panggajian ASN deng PPPK, juga data yang jadi dasar psrhitungan pemerentah pusat.

“Pertanyaan yang lebe tepat adalah apa formula deng kriteria yang pemerentah pusat pake sampe Pemprov Maluku, Pemprov NTT, deng Pemprov Maluku Utara sama-sama seng dapa Tambahan DAU, samantara banya pemerentah kabupaten/kota justru dap akang,” kata Anos.

Dia bilang deng tegas, fungsi pangawasan DPRD tarhadap pemerentah daerah musti tetap bajalang mar kritik ka pemerentah juga musti pada fakta dan data yang bisa par tanggong jawab akang.

“Kritik itu parlu. Pangawasan musti tetap bajalang mar kasimpulan juga musti pake data,” tegas Anos.

Dia harap, ada transparansi pemerentah daerah manganai faktor-faktor yang bawa pangaruh par kabijakan pemerentah pusat sahingga masyarakat bisa paham bae-bae panyabab Tambahan DAU par Pemerintah Provinsi Maluku Taong Anggaran 2026 akang sondor ada alias nihil. Keket)

Alhidayat manilai, langkah yang lebe mandesak oras ini adalah kalesang par biking bae kinerja BUMD yang pemerentah daerah su punya, sahingga mampu kase kontribusi nyata par pandapatan deng parekonomian Maluku.

“Kalo biking BUMD baru, tantu mustu ada panyartaan modal dar pemerentah. samantara katong pung kondisi APBD masih hosa-hosa,” kata Alhidayat, saat dapa kontak dar Ambon, Rabu (12/8/2026).

Manurut dia, pandirian parusahaan daerah baru seng cuma takait deng pambantukan kalambagaan, mar parlu sadia kepeng yang tarus dar pemerentah daerah.

Tagal itu, Alhidayat bilang satiap rencana kas badiri BUMD musti lebe dolo lia-lia daerah pung kepeng mampu ka seng, deng lia prospek bisnis yang mo kas bajalang akang.

Dia kas contoh, PD Panca Karya masih bisa biking kuat akang par lebe bisa bawa rol sabage daerah pung parusahaan.

“Yang paleng panting sakarag, bagemana katong biking optimal BUMD yang su ada. Jang sampe kas badiri baru mar yang su ada akang seng maksimal,” ujar Alhidayat.

Dia kastau, dalag rapat Badang Anggaran (Banggar) DPRD Provinsi Maluku, komisi su bilang deng tegas par rancana pambantukan lima BUMD lebe bae pikir-pikir lai dolo.

Dar lima BUMD yang ma kas badiri itu, kata dia, baru dua sektor yang dapa satuju par kas tarus ka Kamenterian Dalang Negeri (Kemendagri), yakni sektor parikanan demh energi dan partambangan.

Maski bagitu, Alhidayat bilang, parsetujuan par usul dua sektor itu seng bararti DPRD langsung satuju biking parusahaan baru, sondor kaji lebe lanjut.

Manurut dia, pemerentah daerah parlu kaji manyaluruh, tarutama manyangkut model bisnis, kabutuhan modal, prospek usaha, sampe kamungkinan integrasi bidang usaha ka dalang BUMD yang su tasadia.

“Komisi III tetap minta par kaji ulang bae-bae. Katong musti lioa dolo akang pung model bisnis, ruang lingkup usaha, lalu kamampuan daerah, par kase panyartaan modal,” jelas dia.

Alhidayat manilai, sektor parikanan mopun energi deng partambangan pung potensi basar par kas jalang di Maluku. Mar akang potensi seng otomatis jadi alasan par kas badiri badang usaha baru, kalo boisa dapa kalola malalui parusahaan daerah yang su ada.

“Kalo sektor parikanan ato energi deng partambangan masih bisa kas integrasi ato kas kuat malalui BUMD yang su ada macang Panca Karya, par apa katong biking parusahaan baru?,” tegas Alhidayat.

Dia harap Pemprov Maluku lebe konsolidasi dan panguatan BUMD yang ada, par parusahaan daerah batul-batul sehat sacara bisnis, deng mampu kase manfaat par daerah.

“Jang sampe katong tambah parusahaan, mar laste-laste pemerentah juga yang musti tarus suntik modal. Yang katong parlu itu BUMD yang sehat, produktif deng bisa kase kontribusi par daerah,” tandas Alhidayat. (Red/Merindu)

Solichin bilang akang bagitu tagal balong lama ini, salah satu ASN Pemprov Maluku, Nur Madas, dapa nae status jadi tarsangka dalang parkara tindak pidana korupsi proyek panyadiaan aer barsih di Kecamatan Haruku.

Akang masalah, Nur Madas baru dapa lantik sabage pajabat eselon III di Dinas Pekerjaan Umum dan Perumahan Rakyat (PUPR) Maluku, 17 Juni 2026.

“Verifikasi tarhadap calon pajabat yang mo dapa angka deng pegang jabatan, bae kapala dinas, eselon III mopun eselon IV, musti biking akang deng selektif. Jang sampe ada ASN yang pung rekam jejak tarbae ato ada pung masalah hukum, mar dapa lantik dan dudu di posisi strategis,” ujar Solichin waktu dapa kontak dar Ambon, Jumat (7/8/2026).

Manurut Buton, akang parkara musti jadi bahan evaluasi serius par Pemprov Maluku. Bukang cuma tarhadap proses palantikan yang su jalang, mar juga tarhadap sistem yang dapa pake par seleksi dan promosi ASN ka jabatan tartantu.

Solichin manilai proses pangisian jabatan seng cukup cuma deng lia kalangkapan administrasi mopun parsyaratan formal saorang ASN.

Manurut dia, panalusuran rekam jejak, tarmasuk aspek hukum, parlu jadi bageang panting sabalong saorang ASN layak dudu di posisi strategis.

“Ini jadi pambelajaran barharga. Katong harap eso-eso, Pemprov Maluku batul-batul mo seleksi deng ketat satiap pajabat yang mo dapa lantik. Jang sampe ada yang su tasonto parkara hukum, mar masih dapa kase jabatan,” ucap Solichin.

Dia juga menyoroti peran Badan Pertimbangan Jabatan dan Kepangkatan (Baperjakat) dalang proses tersebut.

Solichin minta Baperjakat bakarja lebe optimal deng pastikan samua tahapan pamariksaan tarhadap calon pajabat, dapa biking sacara manyaluruh sabalong rekomendasi pangangkatan kaluar.

“Baperjakat musti batul-batuk selektif dalang mamariksa barkas deng rekam jejak calon pajabat, par kajadiang sarupa seng taulang kumbali,” tegas Solichin.

Sabage bageang dar fungsi pngawasan DPRD, Komisi I rencana mo pangge Badan Kepegawaian Daerah (BKD) Provinsi Maluku. Pamanggilan par mo minta panjalasan manganae prosedur deng mekanisme verifikasi yang Pemprov Maluku pake par proses promosi deng palantikan pejabat.

Solichin bilang, DPRD parlu tau sajauh mana proses pamariksaan sabalong saorang ASN dapa kas dudu di jabatan struktural, tarmasuk bagemana panalusuran rekam jejak hukum jadi bageang dar partimbangan pangangkatan pajabat.

“Katong mo pangge BKD par minta panjelasan takait prosedur verifikasi dalang proses promosi deng palantikan pajabat,” ujar Solichin.

Dia harap akang evaluasi seng tabrenti di parsoalan satu parkara, mar jadi pintu maso par biking bae sistem pangisian jabatan di lingkungan Pemprov Maluku.

Manurut dia, jabatan pemerentahan musti dapa isi deng ASN yang pung kompetensi, profesionalisme, deng integritas, sakaligus pung rekam jejak yang bisa par tanggong jawab akang.

Deng bagitu, proses promosi deng palantikan pajabat di lingkungan Pemprov Maluku ke depan seng cuma par aspek administratif, mar juga mampu pastikan satiap pajabat yang dapa parcaya di jabatan strategis tabebas dar parsoalan yang bisa ganggu kredibilitas pemerentahan. (Rred/Merindu)

Direktur YLBH Papua Tengah Yoseph Temorubun manilai, sampe oras ini pananganan parkara ddi Polres Mimika balong kas lia perkambangan signifikan.

“Parkara kamatian dua warga Maluku yang pung profesi tukang ojek ini sampe oras balong puung progres yang bae. Katong lia balong ada titik tarang dalang akang pung proses panagakan hukum,” tegas Yoseph dalam katarangang di Timika, Papua Tengah, Jumat (7/8/2026).

Manurut Yoseph, dalang partemuan Ikatan Keluarga Maluku (Ikemal) deng Kapolres Mimika di Mile 32 balong lama ini, polisi sempat janji mo usut tuntas akang parkara. Nar realisasi dar janji itu balong dapa lia di lapangan.

YLBH Papua Tengah manilai, pananganan parkara yang langsam ini pung potensi mancederai rasa kaadilan, lebe khusus par kaluarga korban.

Tagal itu, YLBH desak Kapolri turung langsung kase parhatian sarius par proses hukum bajalang transparan deng akuntabel.

“Katong khawatir parkara ini pung ujung sama deng parkara sarupa sabalong ini, di mana palaku seng parnah dapa minta partanggungjawaban. Kali ini tarjadi kumbali, maka akan biking kaparcayaan publik par aparat panegak hukum bakurang,” tekan Yoseph.

Yoseph bilang deng tegas, nagara seng boleh abai dalang manjamin kaadilan par satiap warga tarlebe dalang parkara nyawa malayang.

Dia manilai, kategasan aparat panegak hukum paleng parlu par mo pastikan, seng ada ruang par impunitas.

YLBH Papua Tengah juga biking inga, transparansi deng kacapatan pananganan parkara kriminal jadi konci utama dalang manjaga stabilitas sosial di tengah masyarakat yang majemuk macang di Timika.

Satu hal yang juga jadi panilaian Yoseph adalah, dugaan unsur katidakadilan dalang panangan parkara yang takait deng suku ato ras .

“Katong rasa seng adil waktu katong ada di pihak palaku, tagal polisi bagitu capat tanggap deng proses palaku dari warga Maluku. Sabaliknya waktu katong jadi korban, katong rasa ada keadilan, tagal palaku bagitu bebas barkaliaran sondor ada panagakan hukum, sahingga tarjadi disparitas dalang panagakan hukum. Ini fakta yang tarjadi,” kata Yoseph.

Tagal itu, Yoseph kumbali desak Polres Mimika lakas ungkap deng proses hukum palaku pambunuhan dua warga Maluku yang tarjadi akhir bulan lalu itu.

“Katong mandesak aparat lakas ungkap palaku, proses hukum, deng kase kapastian kaadilan par kaluarga korban. Ini bukan cuma soal hukum, mar juga soal kamanusiaan deng kaparcayaan publik,” tegas dia. (Red)

Manurut Rovik, masyarakat oras ini cuma dapa dua pilihan harga yakni klas eksekutif harga Rp148.000 deng klas VIP harga Rp330.000. Samantara itu, klas ekonomi yang musti jadi hak dasar masyarakat sabage pangguna jasa transportasi laut justru sondor ada.

“Satiap kali warga Maluku mo manyabrang dar Tulehu ka Amahai ato bale dar Amahai ke Tulehu, dong dapa pilihan yang bukang pilihan. Sondor ada klas ekonomi yang masyarakat bisa akses akang,” ujar Rovik par wartawan.

Dia manilai, kondisi ini parlu jadi hal, tagal pemerentah su pasang tarif batas atas angkutan panumpang laut klas ekonomi par sejumlah lintasan, tarmasuk rute Ambon–Amahai yang pung karakteristik jarak relatif sabanding, yakni sakitar 77 mil laut, deng tarif klas ekonomi harga Rp44.000 yang telah mancakup fasilitas makang, minong, aer barsih, biaya embarkasi deng debarkasi.

Manurut Rovik, kabaradaan klas ekonomi bukang sakadar pilihan bisnis operator, mar marupakan bageang dar pamenuhan hak masyarakat tarhadap transportasi publik yang tarjangkau.

Dia jelaskan, Undang-Undang Nomor 17 Taong 2008 tentang Pelayaran sabagemana su ubah deng Undang-Undang Nomor 66 Taong 2024 cuma kanal dua kategori tarif angkutan laut, yakni tarif klas ekonomi deng tarif klas non-ekonomi.

Par tarif klas ekonomi, kata dia, akang pung panatapan jadi kawenangan pemerentah tagal barkaitan deng pelayanan publik. Samantara tarif non-ekonomi memang bisa operator ator, mar tatap musti deng dasar pelayanan tambahan yang batul-batul kase par panumpang.

“Tarif non-ekonomi bukang bararti tarif yang bisa pasang suka hati. Salisih tarif musti ada panjalasan bardasarkan paningkatan kualitas palayanan yang penumpang tarima,” tegas Rovik

Dia juga mangacu par Peraturan Pemerintah Nomor 31 Taong 2021 tentang Penyelenggaraan Bidang Pelayaran, khususnya Pasal 22, yang ator struktur deng mekanisme panatapan tarif angkutan laut.

Salaeng itu, dia sebut Peraturan Menteri Perhubungan Nomor PM 109 Taong 2017 tentang Tarif Batas Atas Angkutan Penumpang Laut Dalam Negeri Kelas Ekonomi su ator bahwa tarif klas ekonomi maliputi tarif dasar deng tarif jarak, sakaligus mancakup biaya makang deng minong, embarkasi-debarkasi, panyadiaan aer tawar, sampe palayanan laeng.

Bardasarkan katantuan itu, Rovik bale tanya salisih tarif kapal capat Tulehu–Amahai pung bassar kalo tarif Eksekutif dan VIP maso kategori klas non-ekonomi.

Manurut parhitungan dia, tarif Eksekutif harga Rp148.000 pung salisih sakitar Rp104.000 banding tarif dasar ekonomi Rp44.000. Samantara tarif VIP Rp330.000 pung salisih sakitar Rp286.000 ato amper 7,5 kali lipat dar tarif ekonomi.

“Partanyaan sederhana. Dar mana angka tambahan Rp104.000 sampe Rp286.000 itu barasal? Apakah ada dokumen parhitungan biaya palayanan tambahan yang bisa par tanggung jawab ka orang banya? Ato angka itu cuma dong pasang iko masyarakat pung kamampuan bayar?” kata dia.

Rovik manilai transparansi jadi aspek penting dalang penetapan tarif angkutan laut par masyarakat tau dasar panghitungan biaya yang dong bayar. Dia juga kas inga, transportasi laut marupakan kabutuhan dasar masyarakat kapulauan, bukang sakadar layanan komersial biasa.

“Maluku ini daerah kapulauan. Mobilitas masyarakat paleng bargantung di transportasi laut. Tagal itu, katerjangkauan tarif marupakan bageang dar kaadilan palayanan publik,” ujar Rovik.

Rovik mandorong Kementerian Perhubungan malalui Direktorat Jenderal Perhubungan Laut deng Dinas Perhubungan Provinsi par audit deng kase panjalasan soal formulasi tarif kapal capat Tulehu–Amahai.

Dia juga minta operator buka rincian komponen biaya yang jadi dasar panatapan tarif non-ekonomi sahingga publik bisa tau tarif pung basar itu sabanding deng palayanan tambahan yang panumpang tarima.

Salaeng itu, Rovik mandesak pemerentah lakas barlakukan batas atas klas ekonomi sacara resmi par lintasan Tulehu–Amahai deng kase operator wajib sadia layanan klas ekonomi yang batul-batul tasadia par masyarakat.

Manurut dia, evaluasi tarhadap samua tarif kapal capat di Maluku juga parlu biking taratur par panatapan tarif tetap iko regulasi nasional deng seng biking beban lebe par masyarakat.

“Bukang cuma tarif pung basar yang parlu, mar juga hak masyarakat kapulauan par dapa akses transportasi yang adil, transparan, deng tajangkau,” pungkas Rovik. (Josian)

Katua Fraksi Partai Golkar DPRD Provinsi Maluku Yunus Serang bilang, akang tambahan dukungan kepeng itu paleng pung arti par pemerintah daerah di Maluku yang ada tatongka beban balanja pagawe yang cukup basar.

Manurut Yunus, Kota Tual parlu paleng sadiki Rp85 miliar sabang taong par bayar gaji ASN deng Pagawe Pemerentah deng Parjanjian Kerja (PPPK). Samantara Kabupaten Kapulauan Aru parlu kepeng lebe dar Rp100 miliar par kabutuhan yang sama.

Beban balanja pagawe di Kapulauan Aru, kata Yunus, lebe basar tagal jumlah PPPK di sana jauh lebe banya kalo banding deng pagawe yang pung status PNS.

“Bapa Presiden su kase patunjuk bahwa ada alokasi Rp20,5 triliun yang bage par 490 daerah. Katong di Fraksi Golkar sambut bae langkah strategis ini tagal manyangkut hajat hidop para pagawai di daerah,” ujar Yunus, Jumat (7/8/2026).

Kabijakan pemerentah pusat itu marupakan tindak lanjut arahan Presiden Prabowo Subianto setelah pemerentah dapa laporan manganae sajumlah daerah yang kasulitan fiskal, tarutama dalang mamanuhi kawajiban pambayaran balanja pagawe.

Menteri Kauangan Purbaya Yudhi Sadewa bilang, akang bantuan par kas kuat kondisi kauangan daerah sakaligus mo pastikan pambayaran gaji ASN deng PPPK tetap bajalang tepat waktu.

Pemerentah pasang target, bantuan su mulai bage-bagi paleng lat minggu muka. Oras ini, proses administrasi masih bajalang par kepeng lakas sampe ka kas pemerentah daerah.

Akang bantuan pung basar seng pukul rata. Pemerentah hitung bardasar kabutuhan riil deng kamampuan fiskal masing-masing daerah, tarutama kakurangan kepeng par bayar balanja pagawe.

Yunus manilai, pandekatan itu tepat tagal tekanan fiskal tiap daerah seng sama. Dia harap dukungan pemerentah pusat batul-batul par daerah yang paleng parlu akang par jang ada gangguan tarhadap pambayaran gaji mopun palayanan publik.

“Harap skali akang bantuan mampu jaga stabilitas kauangan daerah, manjamin kalancaran palayanan publik, deng mo pastikan pagawe tarima dong pung hak-hak,” kata Yunus.

Sabalong itni, Menteri Dalam Negeri Tito Karnavian bilang pemerentah seng mo langsung kase tambahan Transfer ke Daerah (TKD) sondor lebe dulu evaluasi kondisi kauangan daerah.

Pemerintah mo pastikan daerah yang dapa susah masalah fiskal su biking efisiensi anggaran, tarutama deng pangkas balanja yang seng prioritas macang parjalanan dinas, rapat, deng biaya operasional laeng.

Pemerintah juga mo pariksa kamungkinan ada Dana Bagi Hasil (DBH) yang jadi hak daerah mar balong tasalur. Kalo masih ada DBH yang balong dapa bayar, pemerintah pusat mo koordinasi par akang kepeng lakas dapa pake par bayar kabutuhan balanja pagawe.

Yunus harap akang kabijakan seng tabrenti di panyaluran bantuan. Manurut dia, pemerentah pusat parlu tarus pantau parkembangan fiskal daerah, tarmasuk Maluku, sahingga kalo tekanan anggaran masih barlanjut, bisa ada partimbangan par dukungan lanjut iko kabutuhan di lapangan.

Yunus juga bilang, akang dukungan fiskal barsumber dar pangalolaan anggaran pemerentah pusat yang fleksibel malalui pamanfaatan pos anggaran yang balong dapa pake, sondor ganggu program prioritas kamenterian deng lembaga.

Par Yunus, akang kabijakan bukang sakadar parsoalan manutup kakurangan kepeng. Lebe dar itu, tambahan dukungan fiskal manjadi instrumen penting par jaga stabilitas pemerentahan daerah, pastikan pagawe dapa dong pung hak-hak, deng cegah tekanan kauangan barimbas par kualitas palayanan publik.

Tagal itu, Fraksi Partai Golkar DPRD Maluku kase apresiasi par langkah pemerentah pusat deng harap panyaluran bantuan bisa turung capat, tepat sasaran, deng batul-batul manjawab kabutuhan daerah. (Maichel)

Anos bilang akang par tanggapi tragedi di Simpang Al Fatah, Ambon,  yang cilaka oto trek kontener yang biking sampe oma pejalan kaki lanjut usia tatabrak.

Manurut Anos, akang tragedi seng boleh lia akang  deng sabalah mata sabage kacalakaan lalu lintas biasa. Paristiwa itu musti jadi momentum par evaluasi sistem pangawalan, pangaturan jam operasional, jalur yang mo pake,  sampe kapatuhan pangamudi tarhadap batas kacapatan deng atorang lalu lintas.

“Paristiwa maninggalnya saorang pajalang kaki lanjut usia tagal tatabrak truk kontainer di kawasan Simpang Al-Fatah marupakan duka yang mandalam par katong samua. Beta iko berbelasungkawa par kaluarga korban. Samoga almarhumah dapa tampa yang bae tempat terbaik di sisi Tuhan Yang Maha Esa deng kaluarga dapa kakuatang deng panghiburan,” ujar Anos.

Dia tegaskan, kasalamatan masyarakat musti sabage prioritas utama dalang satiap aktivitas distribusi barang, tarmasuk waktu kandaraan kontener kaluar mopun kumbali ka kawasan Pelabuhan Yos Sudarso Ambon.

Anos minta Ditlantas Polda Maluku deng Satlantas Polresta Pulau Ambon dan Pulau-Pulau Lease biking evaluasi tarhadap sistem pangawalan kandaraan kontainer yang salama ini dong terapkan.

Akang Evaluasi, kata dia, musti mancakup pangaturan waktu kabarangkatan dan kapulangan kandaraan, rute yang dong pake, mekanisme pangawalan, deng pangawasan tarhadap kacapatan deng parilaku pangemudi salama ada di jalang raya.

Manurut Anos, masyarakat su cukup sering mangaluh cara sabageang oto trek kontener operasi di jalang raya, tarutama waktu kandaraan tonase basar  malintas di ruas jalang sempit deng padat.

Anos juga sorot akang kondisi waktu truk kontener dapa kawal satu unit kandaraan Patwal, mar tetap laju deng kacapatan yang bisa biking bahaya pangguna jalang laeng

“Pangawalan lalu lintas pung tujuan biking kaamanan deng kalancaran, bukang biking kesan bahwa kandaraan tartantu bebas malaju sondor pikir kasalamatan pangguna jalang yang laeng,” tegas Anos.

Dia manilai, kaberadaan kandaraan Patwal harus jadi bageang dar sistem pangandalian kasalamatan, bukang sakadar buka ruang par kandaraan kontener untuk bagara lebe capat.

Tagal itu, dia minta Ditlantas Polda Maluku deng Satlantas Polresta Ambon pastikan sistem pangawalan banar-banar orientasi di kasalamatan seluruh pangguna jalang.

“Kasalamatan jiwa manusia musti jadi prioritas utama. Jang sampe kalancaran distribusi barang justru makang kasalamatan masyarakat,” ujar Anos.

Salaeng kapolisian, Anos juga minta PT Pelindo salaku pangelola kawasan palabuhan ambe langkah evaluasi deng kas kuat koordinasi deng perusahaan angkutan kontainer, kepolisian, pemerentah daerah, deng instansi teknis laeng.

Manurut, aspek kasalamatan seng boleh cuma jadi tanggong jawab pangamudi ato kapolisian, mar musti jadi bageang dar kasaluruhan rante distribusi logistik.

Mulai dar kandaraan kaluar dar kawasan palabuhan sampe bale ka Palabuhan Yos Sudarso, saluruh tahapan musti pung standar kasalamatan yang jelas.

“Kasalamatan masyarakat seng boleh kalah dar kalancaran distribusi barang,” kata Anos.

Dia juga bilang, bardasar pangatahuan dia, kacalakaan yang malibatkan kandaraan kontener sampe makang korban jiwa di Kota Ambon paleng kurang su dua kali.

Kasus partama, kata dia, tarjadi satu dua taong lalu di muka Markas Kodaeral IX Ambon. Sadangkan parkara kadua itu kacalakaan maut yang baru tarjadi di kawasan Simpang Al-Fatah.

“Bisa saja akang pung jumlah lebe dar itu, mar dua peristiwa ini yang beta tau,” ujar Anos.

Manurut Anos, kajadian-kajadian itu musti jadi bahan evaluasi serius par samua pihak. Pemerentah deng pamangku kapentingan seng boleh tunggu korban barikut par biking bae. Tagal itu, dia minta lakas ada evaluasi manyaluruh tarhadap sistem operasional kandaraan kontener di Kota Ambon.

Anos juga dorong ada informasi resmi par masyarakat manganai jam operasional trek kontener keauar dar Palabuhan Yos Sudarso, waktu kandaraan kumbali ka palabuhan, jalur yang mo pake, standar kacapatan, deng mekanisme pangawalan.

“Jang tunggu korban barikut baru pambenahan. Masyarakat Ambon pung hak pake jalang raya deng aman, nyaman, dan sondor rasa takut,” tegas Anos.

Dia harap tragedi di Simpang Al-Fatah jadi paristiwa tarakhir sakaligus momentum par mambangun sistem pangangkutan logistik yang lebe tertib deng aman.

Anos bilang, koordinasi antara kepolisian, PT Pelindo, parusahaan angkutan kontainer, pemerentah daerah, deng saluruh pamangku kapentingan musti dapa kas kuat par aktivitas distribusi logistik tetap bajalang sondor makang korban
masyarakat.

“Semoga paristiwa ini jadi yang tarakhir deng jadi momentum par samua pihak par biking bae sistem par kasalamatan masyarakat. Sebab, satiap oto kecelakaan maut yang menewaskan seorang pejalan kaki lanjut usia setelah tertabrak truk kontainer di kawasan Simpang Al-Fatah, Kota Ambon, menjadi alarm keras bagi sistem pengangkutan logistik di daerah ini. Nyawa manusia sangat barharga dan wajib katong lindung sama-sama,” pungkas Anos.