AmbonVibes.com – Polda Maluku pasang status tarsangka par “FS”, karja sabage aparatur sipil negara (ASN) di lingkungan Kejaksaan Maluku. Dia tasangko parkara panipuan deng panggalapan.
Panatapan tarsangka marupakan hasil pangembangan panyidikan atas laporan polisi yang su maso dar bulang Desember 2025.
Kabid Humas Polda Maluku Rositah Umasugi bilang, akang parkara akang molai dar laporan polisi Nomor: LP/B/432/XII/SPKT/Polda Maluku tanggal 18 Desember 2025.
“Akang molai dar laporang polisi takait dugaan tindak pidana panipuan deng panggalapan sabagemana dapa ator dalang KUHP,” ujar Rositah di Ambon, Salasa (14/4/2026).
Dalam proses panyalidikan, panyidik tatongka sajumlah kendala teknis, tarutama takait kahadiran saksi. Palapor nama SB deng saksi AW baru bisa dapat minta katarangang, 12 Januari 2026 tagal dong ada di Namlea.
Samantara itu, saksi laeng nama FH su dapa pariksa 14 Januari 2026, maski Sampat tatunda tagal kondisi hamil deng barsaleng.
Panyidik lalu pariksa FS sabagr tarlapor, 19 Januari 2026. Bardasarkan hasil pamariksaan saksi deng alat bukti, panyidik biking gelar parkara, 5 Februari 2026 lalu kasnae status ka tahap panyidikan.
Dalang akang proses, sajumlah pihak su dapa pariksa, tarmasuk korban SB, saksi AW dan FH, Deng FS sabage tarlapor.
Salaeng itu, panyidik juga sita barang bukti barupa surat parjanjian denf kwitansi yang su dapa panatapan sita dar Pengadilan Negeri Ambon.
Malalui gelar parkara lanjutan,12 Maret 2026, FS resmi jadi tarsangka etapkan sebagai tersangka. Mar dalang akang proses, tarsangka seng datang iko panggilan panyidik.
Rositah bilang, panyidik su dua kali kiring surat panggilan, masing-masing 17 Maret dan 2 April 2026, mar FS seng muncol deng alasan saki, ada surat keterangan rumah saki.
“Karena tarsangka seng mamanuhi panggilan sacara patut sabanya dua kali, maka Katong mo ambe langkah hukum barupa panarbitan surat parintah mambawa,” tegas Rositah.
Dia bilang, akang langkah itu par jamin kapastian hukum sakaligus biking capat proses panyalaseang paelrkara.
“Katong komitmen pegang parkara ini sacara profesional, transparan, deng akuntabel sondor pandang bulu, tarmasuk tarhadap oknum ASN,” tandas Rositah.
Polda Maluku juga mangimbau tarsangka par kooperatif dalang proses hukum yang samantara ada barjalagj. (red)
