AmbonVibes.com – Aparat Kajaksaan Tinggi Maluku yang tagabung dalang Tim Tangkap Buronan (Tabur) barhasil loko tarpidana parkara narkoba jenis sabu, Fadila Marasabessy, yang sampat maso dalang daftar pancarian orang (DPO).
Parangpuang umor 33 taong itu dapa tangka pas ada di dia pung konter HP di Pasar Mardika, Kota Ambon, Salasa (14/4/2026) sakitar jam 20.00 WIT.
Ketua Tim Tabur Kejati Maluku Hasan M. Tahir, kastau, panangkapan bajalang lolong-lolong sondor baku lawang.
“Beta deng Tim Tabur tangka DPO tarpidana waktu samantara bajual di dia pung konter HP,” ungkap Tahir.
Tahir kastau, Fadila su maso di DPO dar 26 Februari 2026. Dia dapa salah dalang parkara narkotika bardasar putusan Mahkamah Agung RI, 16 April 2025.
Dalang putusan kasasi, Fadila dapa bui dua taong deng denda Rp800 juta, subsider dua bulang kurungan.
Sabalung itu, Pangsdilan Negeri Ambon vonis ampa taong bui, lalu Pengadilan Tinggi Ambon kas kuat akang. Sampe kasasi baru Mahkamah Agung biking kurang hukuman.
“Jadi putusan PT Ambon kaskuat putusan Pangadilan Negeri Ambon, yakni ampa taong psnjara. Tarpidana minta kasasi ka MA, yang dalang vonis, dia dapa hukom dua taong bui Deng denda kepeng Rp800 juta, subsider dua bulang,” jelas Tahir.
Waktu dapa tahang, Fadila unju sikap kooperatif deng mangaku dia pung parbuatan, deng hukuman yang balong dia iko akang.
“Tarpidana mo langsung katong tahang malam ini juga di Lapas Parangpuan Ambon. Tarpidana mo maso dua taong Iko putusang MA,” tegas Tahir.
Kajati Maluku bilang mo tarus buru buronan yang masih balong dadia
“Seng ada tampa yang aman par samua DPO. Tim Tabur mo tarus cari dan deteksi kabaradaan buronan,” pungkas dia. (red)
