AmbonVibes.com, Langgur – Laklaki bajingan seks pake facebook KT alias Konven bukan anak Ohoi Kolser, Maluku Tenggara. Meski dapa tangka di Kolser, mar ternyata di KTP, alamatnya di kampung lain, jauh dari Kolser.
Waktu polisi tangka dia, trus berita di media-media, orang kira laklaki ana adat oHoi Kolser. Warga Kolser rasa ana itu biking jatuh nama bae Kolser. Tagal kalakuang maeng seks deng 65 korban, delapan dapa perkosa.
Penjabat Kepala Ohoi Kolser Leo Maturbongs langsung kiring surat par Polres Malra. Keterangan polisi par wartawan itu biking orang kira anana Kolser pung kalakuang bagitu.
Bae jua, polisi tarima kabaratan Penjabat Kapala Ohoi Kolser. Polisi su pi Kolser lalu su bicara Kase abis akang deng Penjabat
Modus Akun Palsu di Facebook
Banya media su siar keterangan Kapolres Malra AKBP Rian Suhendi yang bilang, Konven ini modus. Dia bikin akun palsu di Facebook. Dari situ, dia rayu salah satu korban, sebut saja Melati, buat kirim foto tanpa busana.
“Foto itu dia pake par ancam korban. Dia bilang akan bage-bage ka media sosial kalo korban seng mo iko dia pung mau par tidor kayak orang laki-bini,” jelas Kapolres, Rabu (17/9/2025).
Tagal takotang, korban iko dia pung mau. Dia bawa korban ke dia pung tampa tinggal di dilakukan di Ohoi Kolser.
Ancaman Hukuman Berat
Dari penyelidikan, polisi dapa tau, Konven ada pung akun palsu bukang cuma satu. Dia pung korban samua ada 65 korban yang terjerat, delapan jelas-jelas su tidor deng dia Iko dia pung mau-mau.
“Tersangka dapa gae Pasal 285 KUHP, Pasal 27 Ayat (1) Jo Pasal 45 Ayat (1) UU ITE, dan Pasal 14 Ayat (1) huruf a UU Nomor 12 Tahun 2022 tentang Tindak Pidana Kekerasan Seksual (TPKS), dengan ancaman maksimal 12 tahun penjara,” tegas Kapolres.
Imbauan Bijak di Medsos
Kapolres juga pasang, Polres Malra komitmen tarus kase layanan dan jaga masyarakat. Dia kase Inga, masyarakat harus lebe hati-hati pake media sosial.
“Dunia maya memang kase banya kemudahan, mar rawan paskali kalo pake par seng bae. Jadi hati-hati berinteraksi deng orang asing di medsos,” tandasnya.
Dia juga titip pasang khusus par kaluarga, lebe-lebe orang tua, par jang longgar jaga anana.
“Orang tua harus tarus jaga deng ajar anana bagemana pakai media sosial,” pungkasnya. (mega)
