Ambon – Pemerintah Kota (Pemkot) Ambon su tanda tangang Memorandum of Understanding (MoU) deng Transition Fund Limited Hongkong dan KADIN Investasi Daerah Bidang Sinergi BUMN, BUMD & Swasta, Pembiayaan, Sarana-Prasarana soal program Ambon Blue Economy.
Dong tekeng MoU di Ruang Kerja Wali Kota Ambon, Selasa (9/9/2025). MoU ini jadi pal baru kas bangong Ambon yang lebe fokus ka potensi laut dan kekayaan hayati Maluku.
Dari Rempah ke Laut
Ketua KADIN Investasi Daerah Reza Valdo Maspaitella bilang, model pembangunan Ambon sakarang beda deng dolo-dolo.
“Kalo dolo, Ambon top deng rampa-rampa, eso-eso samua bale ka laut. Ambon skang jadi ibu kota marine by diversity,” jelas Reza.
Ia ada tamba lae, anam sektor prioritas yang maso dalang kesepakatan. Anam sektor itu, biking sampah jadi energi, sadia air deng limbah, manajemen transportasi, sistem energi, Ambon Blue Economy, deng pembangunan perumahan sosial.
“Anam sektor ini bukang cuma bawa manfaat langsung, mar juga biking Ambon bisa jadi contoh pembangunan ekonomi baru tingkat global. Katong mo akang hasil mulai dapa lia dalang anam bulang sampe satu taong nanti, seng cuma carita kewel,” tegas Reza.
Harapan dar Balai Kota
Wali Kota Ambon Bodewin Wattimena sambut bae karja sama ini. Antua bilang, langkah investasi ini penting par kas muncul Ambon yang modern, hijau, dan berkelanjutan.
“Semoga karja sama ini bisa capat jalang par tata Kota Ambon yang lebe bae deng layak. Mohon doa deng dukungan basudara samua,” pungkas Bodewin. (red/mcambon)
