AmbonVibes.com — Su barapa lama ini, Farhatun Rabiah Samal dapa angka sabage Plt Sekretaris Dewan Perwakilan Rakyat Daerah (DPRD) Provinsi Maluku. Mar molai dar har Jumat (20/2/2026), su seng plt lae tagal gubernur su lantik sabage definitif.
Farhatun deng sandiri malaengkang barsama 21 Pejabat Tinggi Pratama laeng yang dapa tampa di jabatan strategis Pemerentah Provinsi Maluku. Agenda ini jadi bageang dar panataan aparatur sipil negara (ASN) par biking kuat palaksanaan tugas pemerentahan deng pambangunan di Maluku.
Abis prosesi pelantikan, Farhatun sampekan rasa syukur sakaligus komitmen par emban amanah deng tanggong jawab.
“Beta rasa paleng tarhormat dan bartanggung jawab luar biasa atas kaparcayaan yang dapa kase par beta. Beta komitmen jalankan tugas deng integritas, profesionalisme, dan pono dedikasi. Prioritas beta adalah optimalkan fungsi sekretariat par dukung karja DPRD dalang manyusun kabijakan yang barmanfaat, mangawasi palaksanaan program pamerentah, deng jadi jambatang komunikasi antara dewan deng masyarakat,” ujar Farhatun.
Farhatun tegaskan, dia mo bangongsinergi yang solid deng samua anggota DPRD, pemerentah provinsi, deng barbage komponen masyarakat.
“Katong mo fokus di isu-isu krusial macang pangambangan ekonomi lokal, paningkatan kualitas pendidikan deng kesehatan, serta pamajuan kabudayaan dan kaamanan daerah,” ungkap Farhatun.
Manurut dia, sekretariat DPRD pung peran strategis par pastikan fungsi legislasi, pangawasan, dan panganggaran bajalang efektif deng responsif tarhadap kabutuhan rakyat.
Samantara itu, Gubernur Hendrik Lewerissa bilang, palantikan itu jadi bukti nyata komitmen pemerentah provinsi dalang manarapkan sistem merit par isi jabatan strategis.
Hendrik sebut, samua pajabat yang dapa lantik su malalui tahapan seleksi katat, mulai dar uji kompetensi sampe proses seleksi tabuka yang transparan.
“Katong seng pilih sebaran dapa. Satiap pajabat yang ada di sini hari ini adalah yang terbaik, sasuai deng kapasitas dan kemampuan yang dong punya, hasil dar proses yang adil dan bardasarkan merit system,” tegas Hendrik.
Gubernur juga biking inga,, panting paskali karja sama antarseluruh organisasi Perangkat Daerah (OPD), tanpa ruang bagi ego sektoral yang bisa manghambat laju pambangunan.
“Katong musti barsatu sabage satu tim basar. Ego sektoral cuma mo biking katong tabage, deng seng bisa dapa target yang su katong taruh dalang visi ‘Maluku Bangkit’,” jelas Hendrik.
Momentum palantikan bartapatan deng satu taong masa jabatan kapamimpinan , manurut Hendrik, akang jadi titik refleksi sakaligus awal konsolidasi par biking capat capean pambangunan.
“Satu taong itu waktu yang cukup par lia sajauh mana katong su bagara. Deng tim tarbaik yang su tabentuk, beta yakin katong bisa malangkah lebe taaarah dan bawa dampak nyata par rakyat Maluku,” tandas hendrik. (Leo)
