AmbonVibes.com – Wali Kota Ambon Bodewin Wattimena ambe langkah tegas par kase stop praktik maeng unju Pelaksana Tugas (Plt) Kapala Pusat Kesehatan Masyarakat (Kapus) yang talalu lama di Kota Ambon.
Manurut Wali Kota Bodewin, status Plt. Kapala Puskesmas yang talalu lama, akang seng sehat par sistem organisasi, deng pung potensi hambat kualitas layanan kesehatan par masyarakat.
“Kondisi ini seng sehat par sistem organisasi dan pung potensi hambat kualitas pelayanan kesehatan par masyarakat Kota Ambon,” kata Bodewin par wartawan di Ambon, Salasa (10/2/2026).
Bodewin kastau, sampe oras ini masih ada sajumlah kapala puskesmas yang jabat Plt sampe ampa taong. Kondisi ini jadi parhatian serius pemerentah kota tagal posisi kapala puskesmas pung rol strategis dalang palayanan kesehatan dasar.
“Kapala puskesmas bukang jabatan yang bisa kas biar akang sondor status pasti. Dong itu ujung tombak yang musti mampu ambe kaputusan tegas dan terapkan kabijakan kesehatan sacara optimal. Kondisi Plt yang tahela-hela bagini bisa batasi kamampuan dong par karja maksimal,” papar Bodewin.
Sabage langkah nyata, Wali Kota Ambon su instruksi Kapala Dinas Kesehatan Kota Ambon dr. Johan Norimarna par lakas biking klar persoalan ini.
Dia patok target, samua kapala puskesmas yang masih deng status Plt bisa dapa lantik jadi pejabat definitif paleng lama dalang satu minggu.
“Beta inging dalang waktu deka, paleng lama minggu muka, samua kapala puskesmas yang masih status Plt su dapa status definitif. Seng boleh ada kadudukan samantara lai,” tegas Bodewin.
Maski minta capat, Wali Kota pastikan proses palantikan tetap musti iko prosedur deng mekanisme yang barlaku. Pangangkatan pejabat definitif musti pake dasar hasil seleksi yang adil deng transparan.
Bodewin tegaskan, hanya Aparatur Sipil Negara (ASN) yang su lulus seleksi pung hak dapa angka jadi kapala puskesmas definitif. Pemerentah Kota Ambon, kata dia, seng mo korbankan kualitas cuma demi kas capat proses pangisian jabatan.
“Katong seng mo korbankan kualitas par lia arika. Pejabat yang dapa angka musti batul-batul lolos syarat dan su lewat tahap seleksi ketat. Seng ada jalang potong par dong yang seng lulus seleksi maski su lama jabat Plt,” jelas Bodewin.
Dia tambahkan, panataan kapamimpinan puskesmas ini bageang dar upaya reformasi tata kelola pemerentahan daerah, sakaligus biking bae profesionalisme pelayanan kesehatan.
“Panataan ini bukang cuma soal status jabatan, mar komitmen katong par kase layanan kesehatan paleng bae par samua warga Ambon. Deng kapamimpinan definitif dan pung kualitas, katong yakin layanan kesehatan di tingkat puskesmas akang mo lebe bae deng bisa jangkau samua lapisan masyarakat,” kata Bodewin. (Piere)
