AmbonVibes.com – Laklaki nama ARK mo bavaya licing macang ular tanah. Deng modal kepeng di tangang, dia rayu nona-nona yang balong cukup umor. Deng cara itu, dia bisa makang daong-daong muda.
Kaluarga korban langsung lapor ka Polres Maluku Tengah. Unit Perlindungan Perempuan dan Anak (PPA) Satreskrim Polres Maluku Tengah langsung bagara. Mulai da panyalidikan lalu panyidikan. Tarnyata, ARK dapa pangge mar seng pi manghadap polisi. Bahkan, dapa tau dia su lari jaluar Maluku.
Kapolres Maluku Tengah AKBP Hardi M.K. bilang tim PPA deng pimpinan Kanit PPA Aipda Suherny Arwan deng anggota langsung buru sampe kaluar wilayah Maluku.
“Dar tim pung hasil lacak di lapangan salama tiga hari di Ambon, dapa tau tarsangka su lari sambunyi di Bandung,” jelas Kapolres Hardi.
Manurut Kapolres, Kanit PPA deng anggota dapa barangkan par sisir Kota Bandung, deng koordinasi ka kepolisian di sana,” ungkap Kapolres.
Di Bandung, tim PPA kamunikasi deng ARK pung kaluarga. Tersangka ARK pung Kaka sadia par tolong polisi. Dia atur par baku dapa di Cilodong, Depok.
Tunggu punya tunggu, akhirnya jam 22.30 WIB, ARK pung kaka sampe, lalu kas turung ARK dari dalang oti.
Kanit PPA Aipda Suherny Arwan, Brigpol Haruna, deng polisi di sana langsung amankan dia. Dong bawa dia ka Bandara Internasional Soekarno-Hatta par bawa bale ka Ambon.
Manurut polisi, ARK punya modus operandi adalah buju korban deng janji kepeng. Dar situ, korban anyo. ARK pung kasampatan makang lalapan daun muda
Kepolisian tegaskan komitmen par tindak tegas satiap palaku kajahatang seksual tarhadap anak. (red)
