AmbonVibes.com — Wali Kota Ambon Bodewin M. Wattimena kase apresiasi tinggi par Jemaat Gereja Protestan Maluku (GPM) Nehemia yang su maeng peran strategis dalang mandukung pambangunan Kota Ambon.
Wali Kota Bodewin bilang akang dalang Pambukaan Parsidangan Jemaat GPM Nehemia ke-42 di Gadong Gareja Nehemia, Ambon, Minggu (25/1/2026).
Dalang sambutan, Bodewin tekankan sinergi antara gereja deng pamerentah paleng panting di tengah dinamika sosial yang tamba lebe kompleks. Manurut Dia, gareja pung posisi strategis sabage mitra pamerentah dalang mambangong masyarakat yang pung daya, sejahtera, deng pung karakter.
Bodewin harap, parsidangan jemaat seng cuma biking kaputusan organisasi saja mar juga lahirkan langkah-langkah konkret yang ada pung dampak langsung par kahidupan masyarakat.
“Pamerentah Kota Ambon harap Jemaat GPM Nehemia bisa jadi palopor dalang barbage sektor, mulai dar pambardayaan UMKM, manjaga kabarsihan lingkungan Teluk Ambon, sampe iko biking kuat katahanan pangan lokal,” ujar Bodewin.
Bodewin bilang harapan itu akang satu jalang deng visi palayanan Jemaat GPM Nehemia taong 2026 yang tekankan peran gereja dalang manjawab kabutuhan sosial dent ekonomi umat.
Katua Majelis Jemaat GPM Nehemia Pandita Ny. M. Y. Mahulete kase tau, setelah sukses biking program bantuan pendidikan, fokus utama palayanan jemaat taong ni mo arahkan par panguatan ekonomi kaluarga.
“Fokus katong di pamberdayaan umat par lebe tangguh sacara ekonomi. Kahadiran Wali Kota jadi suntikan samangat par katong bisa tarus sinergi deng program-program pamerentah daerah,” kata Mahulete.
Salaing sektor ekonomi, parhatian par hari eso anana muda juga dapa sorot dalang persidangan. Mewakili Majelis Pekerja Klasis (MPK) Pulau Ambon, Pandita Ny. Ika Tuankota tekankan panting parlindungan anana deng remaja dar barbage panyaki sosial.
Dia juga soroti parlu bimbingan karier yang taarah, tarmasuk pandampingan par pemuda yang pung minat maso tantara deng polisi.
Sabalong itu, Pandita Ika Tuankota pimpin ibadah pambukaan parsidangan. Dalang khotbah, dia biking inga gareja par hadir sabage “panyembuh” par umat yang dapa luka tagal barbage masalah sosial, macang judi online, pinjaman online, serta konflik deng karetakan dalang kaluarga.
Samantara itu, Katua Panitia Parsidangan Jemaat ke-42 Caroline Lestuny dalang laporan ada bilang, kagiatan sidang pung paserta 204 orang, yang terdiri atas unsur Majelis Jemaat, utusan sektor, deng peserta luar biasa. (Piere)
