AmbonVibes.com – Badan Penanggulangan Bencana Daerah (BPBD) Kota Ambon su ambe langkah capat par bage-bage aer barsih par masyarakat di wilayah Galunggung, Desa Batu Merah, Kecamatan Sirimau, Kota Ambon.
Suplai aer barsih ini lebe khusus bage par warga RT 04/RW 06, yang samantara susah dapa aer barsih dalang hari-hari balakangan ini.
Katarbatasan pasokan aer su biking warga pung aktivitas hari-hari su taganggu, mulai dar mamasak, mandi, sampe babasuh.
Ada warga yang tarpaksa musti cari sumber aer dari lokasi yang jauh atobpake aer yang seng pung standar kabarsihan, sahingga akang pung potensi mangganggu kasehatan lingkungan deng pribadi.
BPBD bakarja sama deng pemerentah Negeri Batu Merah, deng aparatur RT/RW satempat dalng manyiapkan distribusi yang sama rata.
Aer barsih yang dapa angkut pake armada tangki langsung jalang bage aer ka titik-titik pamukiman yang su dapa tau dong pung sudah, jadi dong bisa gampang akses aer.
Kapala Bidang Kedaruratan dan Logistik BPBD Kota Ambon Novita Berhitu mangaku, panyaluran ini marupakan bageang dar program tanggap darurat yang su rancana akang deng bae.
“Katong biking pamataan lebe dolo par mo pastikan bantuan tepat sasaran deng bisa jawab kabutuhan mandesak masyarakat,” ujarnya, saat dapa sambung dar Ambon, Sabtu (24/1/2026).
Salaeng bage-bage aer, kata Berhitu, tim dari BPBD juga tarus pantau lapangan par evaluasi panyadiaan air deng dengar masukan langsung dar warga.
Panyaluran bantuan aer ini akang tarus bajalang batahap sambil lia-lia kapasitas armada tangki, deng katarsadiaan sumber aer barsih yang bisa pake.
Dia tegaskan, tim BPBD seng cuma fokus par pananganan darurat, mar juga samantara karja sama deng barbage instansi par susun solusi jangka panjang.
“Langkah ini pung tujuan par antisipasi kamungkinan taulangnya masalah yang sama, dan mo pastikan pasokan aer barsih yang stabil par saluruh masyarakat Kota Ambon,” kata Berhitu.
Samantara itu, warga Galunggung bilang danke banya par BPBD Kota Ambon yang su bantu aer barsih. Dong harap masalah aer ini bisa dapa solusi parmanen.
“Katong paleng tabantuk deng aer ini tagal memang aer ini kabutuhan yang seng bisa tatun,” ujar warga. (red)
