AmbonVibes.com — Wakil Katua Komisi I DPRD Provinsi Maluku Eddyson Sarimanela minta Badan Kepegawaian Daerah (BKD) Provinsi Maluku lakas buka samua data panampatan Aparatur Sipil Negara (ASN) dan Pegawai Pemerintah dengan Perjanjian Kerja (PPPK) di sektor pendidikan.
Manurut Eddyson, samua data itu musti rinci akang deng format by name by address, mancakup nama tanaga pandidik deng tampa tugas.
“Katong parlu data yang jalas, par bisa pastikan panampatan guru-guru di samua wilayah Maluku akang bajalang banar. Transparansi paleng panting, par jaga kaparcayaan masyarakat,” kata Eddyson waktu kase katarangan par wartawan di Kantor DPRD Provinsi Maluku, Rabu (14/1/2026).
Eddyson bilang deng tegas, panampatan aenaga pendidikan marupakan bageang dar tanggung jawab negara par biking bae kualitas sumber daya manusia. Tagal itu, proses panugasan musti biking objektif dan adil, sondor dapa pangaruh kapantingan pribadi ato preferensi subjektif.
“Panampatan ini bukang urusan pribadi ato soal suka seng suka. Ini tanggung jawab yang musti biking deng adil par samua,” tegas Eddyson.
Dia mnanilai, prinsip kaadilan deng transparansi mutlak parlu par seng tarjadi kacamburuan sosial, katimpangan distribusi guru, mopun praktik panampatan yang seng sasuai kabutuhan riil sakolah-sakolah di daerah.
Eddyson juga taruh harapan basar par Kapala Dinas Pendidikan dan Kebudayaan (Disdikbud) Provinsi Maluku yang baru, par mampu bawa parubahan positif dalang pangalolaan sektor pendidikan.
Dia mangaku, salama ini parkambangan pendidikan di Maluku balong dapa lia akang pung kamajuan signifikan.
“Katong seng bisa sambunyi fakta, bahwa pandidikan di Maluku masih parlu banya parbaikan. Samoga deng kapamimpinan baru di dinas ini, katong bisa lia kamajuan nyata,” katanya.
Salaeng parsoalan panampatan, Eddyson tegaskan, pangawasan tarhadap kabijakan ASN dan PPPK tetap jadi tanggung jawab Komisi I DPRD, mengingat akang takait deng kabijakan daerah dan penggunaan anggaran publik.
Dia ungkapkan, parmintaan data ini juga marupakan respons dar banya-banya kaluhan masyarakat soal pangalolaan tanaga pendidikan.
“Katong su tarima banya kaluhan soal panampatan deng pangalolaan tanaga pendidikan. Itulah mangapa katong rasa parlu angka isu ini deng minta klarifikasi manyaluruh,” jelasnya.
Seng cuma itu, Eddyson juga minta panjalasan detail manganae mekanisme pangangkatan PPPK di sektor pendidikan, tarmasuk sistem kontrak deng pola parpanjangan kontrak.
Dia pun sorot nasib tenaga honorer yang su mangabdi puluh-puluh taong mar balong ada kasamapatang par dapa angka jadi PPPK ato ASN.
“Katong musti kase parhatian khusus par dong yang su dedikasi lama dalang dunya pendidikan. Jang sampe dong yang su puluh-puluh taong mangabdi justru seng dapa hak yang haros. Itulah mangapa data lengkap paleng katong parlu,” tandasnya. (Leo)
