AmbonVibes.com – Paringatan Hari Jadi ka-26 Dharma Wanita Persatuan (DWP) di Ruang Vlissingen, Jumat (12/12/2025), barobah jadi panggung paringatan karas Wali Kota Ambon Bodewin Wattimena.
Di muka anggota DWP deng pajabat pemerentah, Bodewin sampekan dua parkara basar yang sakarang mencangkram Kota Ambon: Kasus HIV nae banya deng parkara orang kaweng bacere juga ane banya.
Dalang satu taong balakang ini lebe dar 27 kasus HIV baru dapa deteksi di Kota Ambon. Angka ini, manurut Wali Kota, marupakan sinyal darurat sosial yang seng boleh anggap enteng.
“Lebe dari 270 kasus HIV baru. Kalo ini seng handel capat, kota ini hadapi ancaman sosial yang jao lebe barat,” tegas Bodewin.
Bodewin soroti kalakuang yang pung risiko yang berisiko yang ada di kalangan remaja deng dewasa muda, tarmasuk aktivitas di kos-kosan dan hotel melati. Tampa-tampa ini manurut Bodewin paleng rawan panyebaran HIV, seiring praktik seks bebas deng pengawasan keluarga yang longgar.
“Jang mimpi generasi emas 2045 kalo anana masih gantayangan malang-malang. Pangawasan orang tua itu kunci,” ujarnya.
Sebagai respons, Bodewin parentah Dinas Kesehatan, Satpol PP, dan OPD tarkait untuk bergerak cepat lakukan razia, pamariksaan, pangawasan ketat di seluruh lokasi yang dianggap berisiko.
“Mulai besok, semua titik rawan harus biking tartib. Ini bukang pemadam kebakaran, ini panyelamatan masa depan Ambon,” tegasnya.
Salaeng soal HIV, Bodewin sorot angka orang kaweng cere yang sakarang jadi tren yang biking hati susah. Dalam satu minggu, tercatat tiga sampe lima parmohonan cere, deng sabageang basar pihak istri yang minta cere.
“Ini masalah serius. Banya yang cere karena kurang tanggung jawab suami dalang kaluarga,” katanya.
Wali Kota secara khusus kas inga ngaAparatur Sipil Negara (ASN) agar jaga kaharmonisan rumah tangga. Bodewin sebut ASN, tarutama pejabat, seng boleh jadi contoh seng di tengah masyarakat.
“Kita semua harus memperhatikan agar tidak ada keluarga ASN, apalagi pejabat, yang mo cere, ASN harus jadi contoh par masyarakat,” pintanya.
Bodewin tegaskan HUT ke-26 DWP bukang sekadar seremoni sabang taong mar jadi momentum par kas kuat peran organisasi dalang manjaga stabilitas sosial deng moral kaluarga ASN.
“Indonesia Emas pung banya variabel. Yang panting, hal-hal yang bisa katong biking musti katong biking. DWP harus tamba fungsional deng kasei kontribusi nyata,” pungkasnya.
Pernyataan tegas Wali Kota Ambon ini jadi sinyal urgensi pananganan dua masalah sosial basar yang sakarang bayangi masa depan kota. Pemerentah pastikan langkah capat, sementara masyarakat dapa minta biking kuat paran keluarga sabage benteng utama par tongka persoalan moral deng kesehatan publik. (Leo)
