AmbonVibes.com – Mo maso-maso Har Kajadiang 2025 deng Tambaru 2026 (Nataru), Dewan Perwakilan Rakyat Daerah (DPRD) Maluku kase parharian sarius par kasiapan infrastruktur deng layanan transportasi, lebe khusus transportasi laut.
Ketua Komisi III DPRD Maluku Alhidayat Wajo tekankan, saluruh instansi takait musti pastikan kasiapan maksimal par tongka aros bula-bale pulang kampong (Pulkam).
“Katong su tarima paparan dar macang-macang instansi takait, dan proyeksi kas unjuk ada paningkatan jumlah panumpang yang nyata. Tagal itu, katong tekankan par samua infrastruktur musti pastikan dalang kondisi siap,” ujar Alhidayat di Ambon, Rabu (3/12/2025).
Alhidayat jelaskan, maski oras ini masih Desember muda, waktu sakitar dua minggu tasisa ini musti pake akang efektif par parsiapan jang sampe manta. Samua rute parjalanan, skema lalu lintas laut deng darat, musti siap akang deng sagala bae.
“Kasiapan armada, darmaga, tarminal, deng mitigasi cuaca ekstrem, itu hal-hal krusial yang musti biking pasti akang. Jang sampe ada kendala yang hambat masyarakat pung parjalanan,” tegasnya.
Lebe jao, Alhidayat tekankan koordinasi yang solid antar lembaga takait paleng penting paskali par layanan Nataru bajalan aman, lancar, deng tartib.
Mananggapi DPRD pung arahan, PT Pelni Cabang Ambon su pastikan kasiapan tangada lonjakan panumpang. General Manager PT Pelni Ambon Marthin Heriyanto jelaskan, semua kapal yang layani rute dari deng ka Ambon su iko proses docking rutin deng pamariksaan manyaluruh (ramp check), sampe su layak par oprasi.
“Samua aspek teknis deng kasalamatan kapal su batul, tarmaso pamasangan sistem kasalamatan otomatis, par tingkatkan kaamanan salama palayaran,” kata Marthin.
Seng cuma itu, par antisipasi lonjakan panumpang, Pelni su tambah jumlah armada dar sambilang jadi 12 kapal, tarmaso kapal tambahan ukuran beasar kalas 2000 GT, yaitu KM Sinabung, KM Dobonsolo, deng KM Gunung Dempo. Tiga kapal parintis yang layani rute tarpancil masih tunggu kapastian rute dar Dinas Perhubungan Provinsi Maluku.
Pemerentah melalui Kementerian Perhubungan juga su kase diskon 20 persen dar tarif dasar tiket par kabarangkatan mulai 17 Desember 2025 sampe 10 Januari 2026. Tiket su bisa pasang dar 21 November 2025 pake aplikasi resmi Pelni.
“Diskon ini cuma par tarif dasar, dan kalo kuota abis sabalong 10 Januari, harga tiket kumbali normal. Masyarakat lebe bae lakas pasang tiket,” imbau Marthin.
Salaeng itu, panumpang wajib pake identitas iko KTP di tiket, seng bawa barang lebe-lebe, deng patuh atorang kasalamatan kapal. Par tiket non-seat, kaputusan masih tunggu evaluasi kasalamatan dar Kemenhub.
Alhidayat harap semua instansi deng operator transportasi lakas ambe langkah konkret, par masyarakat bisa rayakan Har Kajadiang deng Tambaru yang nyaman, aman, deng lancar.
“Koordinasi antar lembaga musti kaskuat, palayanan bajalan tartib, deng samua infrastruktur siap. Ini kunci par masyarakat bisa nikmati har raya deng tanang,” pungkasnya. (Leo)
