AmbonVibes.com — Deputi Bidang Kreativitas Media Kementerian Ekonomi Kreatif Agustini Rahayu bilang, Amboina International Music Festival (AIMF) 2025 bukang festival musik bagitu-bagitu saja. Akang jadi simbol kolaborasi lintas budaya, deng diplomasi antar kota kreatif di Asia.
“Katong parcaya, ekonomi kreatif daerah jadi masin par kas bagara ekonomi akang tumbuh biking bae kesejahteraan masyarakat,” bagitu Nyora Agustini bilang akang waktu buka AIMF 2025 di Hotel Zest Ambon, di Kamis (30/10/2025).
AIMF ini bisa bajalang bae tagal ada karja sama Pemkot Ambon deng Ambon Music Office (AMO), par har jadi ka-6 Ambon City of Music (ACOM).
Wali Kota Bodewin Wattimena bilang salamat datan par artis-artis dar Korea Selatan, Thailand, Malaysia, Yunani, deng Belanda. Bodewin bilang, AIMF jadi momentum par biking kuat Ambon sebagai kota musik dunia versi UNESCO.
“Event ini juga dorong pembangunan kota yang deng kase ruang par musisi lokal bisa unju kreativitas,” jelas Wattimena.
Direktur AMO Ronny Loppies bilang, taong ini festival undang 12 negara, mar yang hadir deng badang-badang cuma Thailand, Malaysia, Yunani, dan Belanda. Biar bagitu, negara-negara yang ada iko ini bisa kase kuat warna festival internasional.
Selain pertunjukan musik, AIMF 2025 juga kase nae pameran UMKM yang dapa bantu dar PKK Kota Ambon. Akang jadi bukti, PKK dukung ekonomi kreatif lokal.
Festival ini jadi bukti Ambon bukan hanya kota musik dunia. Ambon juga pusat kreativitas dan diplomasi budaya di Asia Tenggara. Samua ini tagal ada kombinasi musik, kolaborasi internasional, deng pemberdayaan masyarakat lokal. (leo)
