AmbonVibes.com – Ratusan warga adat Negeri Hukunalo–Rumahtiga, Kecamatan Teluk Ambon, pi biking aksi ka DPRD Provinsi Maluku, Senin (13/10/2025). Dong manuntut hak tanah adat yang sakarang dapa gugat dar orang laeng.
Aksi bajalang dari pagi, dong isi deng orasi, buka spanduk, deng bakar ban bakas di muka Gadong DPRD. Massa kase pernyataan sikap yang dong su tulis par Ketua DPRD Maluku Benhur George Watubun, yang tarima dong di Ruang Komisi I.
Masyarakat adat pung wakil, Adam Rahantan bilang Negeri Rumahtiga su badiri dari abad ke-17 di bawah parentah Raja Willem Hatulesila (Latu Utu). Keluarga Hatulesila itu yang pegang hak ulayat atas tanah di Rumahtiga, Poka, Wayame, sampe Tihu.
“Katong pung tanah adat banyak dapa gugat deng orang pake sondor parmisi. Sertifikat jua banya yang su kalur sondor dasar hukum yang sah. Katong datang ka DPRD par cari keadilan,” ujar Rahantan.
Warga juga kas nae pembangunan Tugu Prof. Dr. G. A. Siwabessy di atas tanah adat yang sampe oras tadi balong dapa ganti ruhi dar Universitas Pattimura (Unpatti).
Ada satu dua bidang tanah yang Pemprov Maluku ada pake akang, termasuk kawasan Pemda I sampe III, juga jadi dong pung perhatian.
Dalam dokumen tuntutan, warga meminta:
- DPRD bantu tnegakkan hak kepemilikan tanah adat sesuai amanat reformasi agraria.
- Pangge Biro Hukum Pemda Maluku, BPN Kota Ambon, deng keluarga Hatulesila par bahas ganti rugi Tugu Siwabessy.
- Tinjau kumbali Sertifikat Hak Pakai (HGB No. 02 Tahun 1994) yang dong tau akang kaluar par tanah adat sondor pelepasan resmi dar ahli waris.
Ketua DPRD Maluku Benhur George Watubun bilang, DPRD siap jadi penengah, asal dong biking lengkap bukti kepemilikan yang jelas deng sah.
“Tamang-tamang su datang bawa aspirasi soal tanah adat Rumahtiga. Katong tantu mo bantu, mar musti bawa deng data lengkap. Kalau data seng akurat, keputusan bisa seng batimbang par keadilan,” jelas Watubun.
DPRD nanti mo bentuk Panitia Khusus (Pansus), panggel instansi terkait, deng kas kaluar rekomendasi resmi kalo samua data dan klarifikasi su dapa. Watubun tekankan, proses penyelesaian nanti bajalang transparan dan terbuka, agar sengketa baru bisa dicegah.
“Kalau ahli waris bisa buktikan kepemilikan di muka Pemprov, Unpatti, dan masyarakat, DPRD akan ambil sikap tegas,” tutupnya. (red)
