AmbonVibes.com – Persoalan ruko Pasar Mardika kumbali dapa bahas di DPRD Provinsi Maluku. Dong usaha dapa solusi yang adil par pedagang. Masalah ini muncul tagal Sertifikat Hak Guna Bangunan (SHGB) beberapa ruko belum tuntas, sampe banya yang bingong.
Dong bahas akang di ruang rapat paripurna DPRD Maluku, Senin (13/10/2025). Perwakilan pedagang ada datang lai par iko rapat. Wakil Ketua Komisi III DPRD Maluku Mumin Refra bilang, persoalan ini cukup tabulengkar tagal akang dobel, jadi parlu lebe fokus.
“Masalah ruko ini memang akang dobel, jadi Komisi III lebe fokus pada upaya biking abis akang,” ujar Refra pas abis rapat.
Dia bilang, titik tarang su mulai dapa lia, dan DPRD mo agendakan rapat lanjutan par bahas secara lebe rinci.
Abis itu, baru konsultasi deng Gubernur Maluku, selaku pemilik ruko, sekaligus mo pastikan samua dokumen SHGB bisa kelar. Pedagang juga mo dapa kase penjelasan lebe jelas soal dong pung hak deng batasan waktu yang jelas.
“Pertama, katong mo konsultasi deng gubernur sebagai pemilik ruko. Seluruh dokumen nanti katong kas lengkap pemilik SHGB bisa dapat penjelasan lengkap, termasuk batas waktu yang jelas,” jelas Refra.
Rapat ini par tiga kali, dan Komisi III optimis bisa dapa solusi paleng bae yang seng biking rugi samua pihak .
“Yang paleng penting saat ini adalah SHGB, batas waktu, dan beberapa hal prinsip laeng yang nanti katong mo bahas lebih jao,” pungkasnya.
Melalui koordinasi intensif dengan pemerintah daerah, DPRD Maluku yakin persoalan SHGB ruko Pasar Mardika dapa akang pung jalang yang adil dan transparan par samua pedagang. (red)
