AmbonVibes.com – Ada kabar bae par orang Maluku, spesial orang kacil yang dong bilang Masyarakat Berpenghasilan Rendah (MBR) dan para ASN. Kementerian Perumahan dan Kawasan Permukiman (PKP) resmi bage 3.000 unit rumah subsidi par Maluku.
Menteri PKP, Maruarar Sirait ato yang lebe akrab dong pangge Ara, kase tau info ini pas abis teken Nota Kesepakatan Sinergitas Data Perumahan deng Gubernur Maluku Hendrik Lewerissa dan Kepala BPS Amalia Adininggar Widyasanti di Jakarta, Selasa (16/9/2025).
“Lewat BP Tapera, katong sadia 3.000 rumah subsidi par Maluku. Harapan beta, gubernur deng bupati/wali kota bisa dorong MBR dan ASN par manfaatkan program ini,” kata Ara.
Pakai Data BPS, Biar Tepat Sasaran
Ara bilang, program ini sesuai arahan Presiden Prabowo Subianto par rumah subsidi dapa bage-bage deng basis satu data nasional.
“Katong pake data BPS yang akurat, jadi bisa tepat sasaran. Kementerian PKP kase jalang akang yang presiden kase arahan,” tegasnya.
Komisioner BP Tapera Heru Pudyo Nugroho bilang, tahap awal ini mo sadia rumah pake skema kredit FLPP. “Ini khusus rumah subsidi, par MBR dan ASN bisa pung rumah yang layak huni,” jelas Heru.
Maluku Su Siap Lahan deng Izin
Gubernur Maluku Hendrik Lewerissa tarima bae program ini. Ia bilang jumlah ASN di Pemprov Maluku ada kira-kira 12 ribu orang, dan masih banya yang balong pung rumah sandiri.
“Katong siap dukung program 3 Juta Rumah Presiden Prabowo. Di Maluku, lahan izin-izin su beres,” ungkap Hendrik.
Sementara itu, Kepala BPS Amalia Adininggar Widyasanti kase kepastian, dong juga sadia data. “Data BPS su bisa dapa pake langsung di lapangan. Harapan BPS, daerah bisa ambe manfaat par kase nae rakya pung kahidupan yang lebe baet,” kata Amalia.
Dengan program ini, tamba banya orang Maluku – bae itu ASN maupun MBR – bisa pung rumah sandiri yang layak par tinggal. (Keket)
