AmbonVibes – Pedagang di Pasar Mardika Ambon saparuh biking hal kumbali. Dong yang su dapa kas maso bajual dalam gadong baru, sakarang bale kaluar kumbali di luar gadong.
Tagal dong kaluar, kintal di muka pasar yang musti pake par parkir deng jalang maso orang balanja, sakarang tinggal jalang kacil sasa yang bisa orang pake lewat.
Hasil lia-lia di di pasar, Selasa (9/9/2025) sekitar jam 12 siang, su ada puluhan payung warna-warna badiri rapat di muka gadong pasar baru.
Mangapa Kaluar Kumbali?
Pedagang bilang, alasan utama dong kaluar ulang tagal sepi pembeli di dalang.
“Kalo su ada penjual di muka, nanti yang dalam su seng ada pembeli lai,” bilang Mas Gendut, salah satu pedagang tahu-tempe.
Selain itu, sistem blok-blok di dalang gedung juga bikin susah. Ada blok tahu-tempe sandiri, blok sayur sandiri, deng laeng-laeng. Pedagang bilang, cara bagitu biking persaingan seng bae.
“Kalo katong pengecer dapa tempat di balakang, terus bos-bos basar di muka, otomatis katong su seng dapat pembeli lai,” sambung Mas Gendut.
Lebih Laku di Luar
Pedagang malah banding-banding, jualan di luar jauh lebe rame daripada di dalam .
“Kalo di dalang, setu hari su bagus kalo bisa dapa sapuluh pembeli. Mar baru dua hari ini beta di luar, tahu-tempe setengah ember su amper abis,” ungkap Mas Gendut.
Harapan Pedagang
Pedagang harap pemerintah atau pengelola pasar bisa biking bae atorang kios deng pintu maso kaluar.
“Jang cuma pake pintu muka sa. Samua pintu harus bisa pake par maso-kaluar, par pembeli su seng malas,” tutupnya.
Aksi pedagang yang kaluar kumbali ka muka gadung ini su parnah dapa atur deng bae pas habis Hari Kemerdekaan, mar ternyata sakarang dong su ulang kumbali (Piere)
