AmbonVibes.com – Sampe Selasa (9/9) malang ini, jumlah korban bakalae di Kailolo-Kabauw, akang su tamba banya. Dari data yang takumpul, dapa tau su sapuluh orang korban luka. Sedang korban maninggal, satu orang.
Kronologis Kejadian
Bakalae ni akang kamuka tagal ada satu laklaki Kabauw dapa lot a Kabauw waktu dia bajalang deng dia pung kacil di kawasan Pelabuhan Feri Wainana, Negeri Kailolo. Tagal itu, massa dua negeri langsung bakumpul, deng seng lama akang jadi baku lot.
Menurut data polisi, ada 5 orang yang luka-luka. Namun informasi lapangan bilang, samua korban luka ada sapuluh.
“Bakalae ini biking satu orang meninggal dunia dan beberapa lain luka-luka,” kata Kombes Pol Rositah Umasugi, Kabid Humas Polda Maluku.
Polisi & TNI Turun Redam Situasi
Bagitu dong pica di sana, aparat langsung turung ka lokasi. Ada barang 200 personel gabungan dari Polresta, Brimob, Samapta, sampai TNI dari Koramil 07 Haruku dapa parenta siap di tampa-tampa rawan.
“Personel su dapa taruh secara proporsional di sipat dua negeri,” tambah Rositah.
Operasi par biking tado ini dipimpin langsung oleh Karo Ops Polda Maluku, deng Dansat Brimob, tamba Kapolresta Ambon-Lease.
Kondisi Sementara Terkendali
Sampai su malang ini, situasi di sipat dua negeri sudah tado. Orang-orang jua su bale maso rumah. Mar aparat tarus jaga-jaga di tampa, jang sampe jadi apa-apa kumbali.
Polda Maluku minta warga Kailolo deng Kabauw supaya tetap jaga hidup orang basudara, jangan gampang makang cabar
“Kasus ini akan ditangani secara transparan. Warga percayakan saja ke aparat penegak hukum,” tegas Rositah. (Tim)
