AmbonVibes.com – Universitas Pattimura (Unpatti) ada biking lokakarya par biking siap akreditasi kampus, di Aula Rektorat Senin (1/9/2025).
Akang pung tema utama, persiapan pake Sistem Akreditasi Perguruan Tinggi Online (SAPTO) 2.0 yang jadi atorang baru dar BAN-PT.
Tujuan kegiatan ini par pimpinan, dosen, sampe tim akreditasi di Unpatti bisa mangarti konsep deng mekanisme akreditasi, deng juga balajar cara pake aplikasi SAPTO 2.0 par hasil akreditasi tamba lebe bagus deng akang jalang tarus-tarus.
Rektor: Samua Pihak Musti Iko
Rektor Unpatti Prof. Dr. Fredy Leiwakabessy, M.Pd, waktu kase sambutan ada bilang, akreditasi ni akang bukang cuma urusan satu-dua orang, mar karja samua unsur: mulai dari prodi, fakultas, gugus penjaminan mutu, sampe sistem penjaminan mutu internal.
“Akang akreditasi ini hasil mo bae tergantung dokumen pendukung yang lengkap deng dapa susun bae-bae. Itu musti deng karja tarus-tarus seng bisa lepu-lepu,” jelas Rektor Fredy.
Dia juga ada biking inga, kepemimpinan di kampus itu amanah sementara, jadi harus biking jadi akang deng karja nyata.
“Setiap langkah bukang cuma par internal, mar juga par Tongala pung nama basar, masyarakat pung hidop snang deng kontribusi nyata par Indonesia Emas 2045,” tambahnya.
BAN-PT Turun Langsung
Unpatti juga bawa datang dua narasumber langsung dari BAN-PT Prof. Dr. Ir. Ari Purbayanto, M.Sc. (Direktur Dewan Eksekutif BAN-PT) dan Prof. Mulyono Baskoro (Asesor BAN-PT).
Dorang kase materi soal cara siapkan dokumen akreditasi sesuai standar BAN-PT deng pake sistem SAPTO 2.0.
Lokakarya ini dong taru harap biking samua civitas akademika Unpatti lebe siap, lebih mangarti, deng lebe pung motivasi par karja sama bikin siap akreditasi lebe bae lewat sistem buat kerja sama kase siap akreditasi. (Piere)
