AmbonVibes.com – Wakil Ketua DPRD Provinsi Maluku Johan Lewerissa, bilang, lokasi Maluku Integrated Port (MIP) kumbali ka Kota Ambon, itu bukang maeng unju sabarang dapa mar akang iko hasil studi kalayakan dari Bank Dunya. Johan bilang akang par wartawan di Ambon, Jumat (6/3/2026).
Manurut Johan, pambangunan palabuhan tarpadu itu su jadi parhatian serius pemerentah, sadangkan DPRD pung peran kawal akang par samua proses parancanaan sampe palaksanaan bajalang pas deng katantuan yang su tetapkan akang.
“Proyek ini pung peran krusial dalang mamparsiapkan infrastruktur logistik par kabutuhan jangka panjang Provinsi Maluku,” ujar Johan.
Dia jelaskan, dalang proses parancanaan proyek ini, memang sampat muncul sajumlah pandangan dalang masyarakat manganai kamungkinan pambangunan palabuhan tarpadu di Pulau Seram.
Manurut Johan, kainginan itu seng lapas dar potensi ekonomi Pulau Seram sabage pulau basar di Provinsi Maluku yang pung peluang pangambangan sektor industri.
“Pemerentah daerah memang inging pambangunan industri juga berkembang di Pulau Seram yang pung potensi ekonomi luas,” jelas Johan.
Maski bagitu, kata Johan, panantuan tampa proyek seng cuma iko kainginan daerah. Apalai proyek ini manurut rancana mo dapa kepeng dar Bank Dunya. Tagal itu, dia bilang, barbage aspek teknis deng ekonomi musti timbang akang masa-masa.
Manurut hasil studi kalayakan Bank Dunya, tampa yang paleng strategis par bangong Maluku Integrated Port ada di kawasan Ambon, lebe khusus di sakitar Palabuhan Yos Sudarso dan deka-deka di situ.
“Tampa itu dapa pilih tagal akang pung akses lebe deka deng palabuhan utama deng bandar udara jadi pas par dukung kalancaran aktivitas logistik deng distribusi barang,” jelas Johan.
Salaeng faktor aksesibilitas, Johan juga manilai aktivitas ekonomi tarbasar di Provinsi Maluku oras ini masih tapusat di Kota Ambon. Tagal itu, pambangunan palabuhan tarpadu di wilayah itu, bisa langsung mandukung arus pardagangan deng distribusi barang di daerah.
Dia bilang, proyek ini juga dapa proyeksi par dukung aktivitas ekonomi masa depan, tarmasuk potensi kagiatan industri yang barkaitan deng pangambangan sumber daya energi di kawasan Blok Masela.
“Proses panantuan lokasi malibatkan pemerentah pusat deng parancanaan dar Bappenas, deng barbage kajian teknis yang mandalam par pastikan pambangunan bajalang efektif deng kase manfaat ekonomi maksimal,” kata Johan.
Dia juga tekankan, pambangunan palabuhan deng skala internasional itu parlu kepeng abis banya jadi seng mungkin andalkan kepeng daerah.
“Dukungan lembaga kauangan internasional deng investor jadi faktor panting par realisasikan proyek ini,” ujar Johan.
Dia harap kahadirang Maluku Integrated Port akang bisa buka peluang ekonomi baru deng lapangan karja par masyarakat Maluku yang pung skill di sektor takait.
Johan bilang, maski kas pinda Maluku Integrated Port dari Seram bale ka Ambon, mar pemerintah daerah juga tetap mo dorong wilayah laeng di luar Ambon juga batumbu macang Pulau Seram. Deng bagitu, industri batumbu deng barkembang lebe marata eso-eso,” tandas Johan Lewerissa. Johan Lewerissa: MIP Bale AmbonMar Seram Musti Tetap BatumbuAmbonVibes.com – Wakil Ketua DPRD Provinsi Maluku Johan Lewerissa, bilang, lokasi Maluku Integrated Port (MIP) kumbali ka Kota Ambon, itu bukang maeng unju sabarang dapa mar akang iko hasil studi kalayakan dari Bank Dunya. Johan bilang akang par wartawan di Ambon, Jumat (6/3/2026).Manurut Johan, pambangunan palabuhan tarpadu itu su jadi parhatian serius pemerentah, sadangkan DPRD pung peran kawal akang par samua proses parancanaan sampe palaksanaan bajalang pas deng katantuan yang su tetapkan akang.“Proyek ini pung peran krusial dalang mamparsiapkan infrastruktur logistik par kabutuhan jangka panjang Provinsi Maluku,” ujar Johan.Dia jelaskan, dalang proses parancanaan proyek ini, memang sampat muncul sajumlah pandangan dalang masyarakat manganai kamungkinan pambangunan palabuhan tarpadu di Pulau Seram.Manurut Johan, kainginan itu seng lapas dar potensi ekonomi Pulau Seram sabage pulau basar di Provinsi Maluku yang pung peluang pangambangan sektor industri.“Pemerentah daerah memang inging pambangunan industri juga berkembang di Pulau Seram yang pung potensi ekonomi luas,” jelas Johan.Maski bagitu, kata Johan, panantuan tampa proyek seng cuma iko kainginan daerah. Apalai proyek ini manurut rancana mo dapa kepeng dar Bank Dunya. Tagal itu, dia bilang, barbage aspek teknis deng ekonomi musti timbang akang masa-masa.Manurut hasil studi kalayakan Bank Dunya, tampa yang paleng strategis par bangong Maluku Integrated Port ada di kawasan Ambon, lebe khusus di sakitar Palabuhan Yos Sudarso dan deka-deka di situ.“Tampa itu dapa pilih tagal akang pung akses lebe deka deng palabuhan utama deng bandar udara jadi pas par dukung kalancaran aktivitas logistik deng distribusi barang,” jelas Johan.Salaeng faktor aksesibilitas, Johan juga manilai aktivitas ekonomi tarbasar di Provinsi Maluku oras ini masih tapusat di Kota Ambon. Tagal itu, pambangunan palabuhan tarpadu di wilayah itu, bisa langsung mandukung arus pardagangan deng distribusi barang di daerah.Dia bilang, proyek ini juga dapa proyeksi par dukung aktivitas ekonomi masa depan, tarmasuk potensi kagiatan industri yang barkaitan deng pangambangan sumber daya energi di kawasan Blok Masela.“Proses panantuan lokasi malibatkan pemerentah pusat deng parancanaan dar Bappenas, deng barbage kajian teknis yang mandalam par pastikan pambangunan bajalang efektif deng kase manfaat ekonomi maksimal,” kata Johan.Dia juga tekankan, pambangunan palabuhan deng skala internasional itu parlu kepeng abis banya jadi seng mungkin andalkan kepeng daerah.“Dukungan lembaga kauangan internasional deng investor jadi faktor panting par realisasikan proyek ini,” ujar Johan.Dia harap kahadirang Maluku Integrated Port akang bisa buka peluang ekonomi baru deng lapangan karja par masyarakat Maluku yang pung skill di sektor takait.Johan bilang, maski kas pinda Maluku Integrated Port dari Seram bale ka Ambon, mar pemerintah daerah juga tetap mo dorong wilayah laeng di luar Ambon juga batumbu macang Pulau Seram. Deng bagitu, industri batumbu deng barkembang lebe marata eso-eso,” tandas Johan Lewerissa. (Leo)
