AmbonVibes.com – Panyidikan parkara dugaan korupsi proyek aer barsihh di Dusun Siwang, Kecamatan Nusaniwe, Kota Ambon, su mao di fase spanen. Panyidik Direktorat Reserse Kriminal Khusus (Ditreskrimsus) Polda Maluku sakarang su dapa hasil audit Badan Pemeriksa Keuangan (BPK) RI yang dapa tau karugiang kauangan nagara sampe Rp1,8 miliar lebe.
Hasil parhitungan karugian nagara ini, akang jadi salah satu dasar par panyidik kas kuat bukti-bukti, sabalong gakar parkara par mo tau pasti, ssapa-sapa yang musti tanggong jawab akang karugiang kepeng basar itu.
“Par akang hasil parhitungan karugian nagara dar BPK RI parkara aer barsih Siwang, katong su tarima. Nilai karugian nagara Rp1,8 miliar lebe,” ungkap Kabid Humas Polda Maluku Kombes Pol Rositah Umasugi via Paur Penum Subdit Penmas Bidhumas Polda Maluku AKP Imelda Haurissa, par wartawan, Kamis (3/9/2026).
Deng su ada hasil audit BPK, panyidik Subdirektorat III Tindak Pidana Korupsi (Tipidkor) Ditreskrimsus Polda Maluku mo kas lanjut pamariksaan tarhadap sajumlah saksi deng ahli. Langkah itu par kas lengkap deng kas kuat alat bukti. sabalong galar parkara dan tantukan tarsangka.
“Rencana tindak lanjut, panyidik masih mo pariksa ahli par biking kuat pambuktian. Abis itu, samoga katong su bisa gelar parkara par tantukan tarasangka,” ungkap Imelda.
Proyek panyadiaan aer barsih dari Dinas Pekerjaan Umum dan Penataan Ruang (PUPR) Provinsi Maluku di Dusun Siwang, akang pung kepeng sakitar Rp6,174 miliar dar dua skema pambiayaan. Kepeng Rp1,2 miliar dapa dar APBD Provinsi Maluku Taong Anggaran 2021. Sadangkan Rp4,974 miliar laeng dapa dar kepeng yang pinjang dar PT Sarana Multi Infrastruktur (SMI) yang maso ka Dinas PUPR Provinsi Maluku, juga taong 2021.
Proyek ini makang kepeng tar sadiki, mar laste-laste akang seng bisa operasi, jadi seng bawa manfaat par orang banya di Dusun Siwang. Kondisi ini yang jadi bageang dar panyidikan aparat panegak hukum par ungkap, ada panyimpangan dalang proses parancanaan, palaksanaan, mopun panggunaan kepeng proyek.
Deng hasil audit BPK RI yang panyidik su tarima akang, panyidik sakarang tinggal biking kuat rangkeang alat bukti malalui pamariksaan saksi deng ahli. Akang tahapan paleng panting par panyidik galar parkara deng tantukan tarsangka. Kalo samua alat bukti su pas, maka panyidik su bisa tantukan status hukum par pihak-pihak yang tarlibat dalang akang proyek.
Deng bagitu, parkara dugaan korupsi proyek air barsih Siwang su maso fase panantuan. Nilai karugian negara Rp1,8 miliar lebe su dapa rekeng dar BPK RI, sadangkan penyidik Polda Maluku masih biking lengkap bukti sabalong tantukan tarsangka.
(Tim)
