AmbonVibes.com – Fraksi Partai Golkar DPRD Provinsi Maluku mandesak Pemerentah Provinsi Maluku lakas bayar kepeng Tambahan Panghasilan Pagawe (TPP) Aparatur Sipil Negara (ASN) yang sampe oras ini su tarlambat bayar barapa bulan paskali.
Manurut Fraksi Golkar, akang parsoalan seng cuma manyangkut hak kauangan ASN, mar juga pung dampak par stabilitas birokrasi deng kualitas palayanan publik par masyarakat.
Sekretaris Fraksi Partai Golkar DPRD Provinsi Maluku Anos Yeremias bilang akang bagitu tagal banya pasali aspirasi deng kaluhan ASN takait TPP yang balong dapa bayar akang.
Fraksi Golkar pung pandapat, TPP marupakan hak ASN bardasarkan katantuan paraturan parundang-undangan deng kamampuan kauangan daerah. Tagal itu, satiap katarlambatan pambayaran musti taiko deng panjelasan tarbuka, jujur, deng bisa par tanggong jawab akang par orang banya.
Fraksi Partai Golkar mangaku, pemerentah daerah bisa tangada tantangan fiskal mopun parsoalan pangalolaan kas. Mar kondisi bagitu, manurut dong, seng boleh biking kurang komitmen pemerentah par layan hak-hak ASN.
Tagal itu, Fraksi Golkar mandesak Pemerentah Provinsi Maluku lakas bayar akang TPP iko kamampuan kauangan daerah deng biking skala prioritas mopun jadwal pambayaran yang jelas.
Salaeng itu, Fraksi Golkar minta Gubernur Maluku deng Tim Anggaran Pemerintah Daerah (TAPD) kase panjalasan resmi par DPRD deng masyarakat alasan tarlambat bayar, kondisi fiskal daerah, deng langkah-langkah yang samantara dong ambe par biking abis masalah ini.
Fraksi Golkar juga mandorong evaluasi manyaluruh tarhadap parancanaan anggaran, pangalolaan kas daerah, deng mekanisme pancairan balanja pagawai par katarlambatan pambayaran TPP seng jadi kumbali, eso-eso.
Di tengah parsoalan itu, Fraksi Partai Golkar mangimbau samua ASN di lingkungan Pemerentah Provinsi Maluku tetap jaga profesionalisme, integritas, disiplin, deng kualitas palayanan par masyarakat maski dong pung hak kauangan balong tarima akang bae-bae.
Fraksi Golkar juga mo pae fungsi pangawasan DPRD lebe optimal par biking pasti satiap kabijakan pangalolaan kauangan daerah sacara transparan, akuntabel, deng iko katantuan paraturan perundang-undangan.
“Komunikasi yang tabuka, sinergi antara eksekutif deng legislatif, deng komitmen barsama dalang manjaga disiplin fiskal marupakan kunci par biking abis masalah ini deng bae,” bagitu psrnyataan Fraksi Partai Golkar.
Fraksi Partai Golkar pung tekad tarus kawal satiap kabijakan Pemerentah Provinsi Maluku tarus batimbang par masyarakat, manjaga kasajahteraan ASN, deng mandorong tata kalola pemerintahan yang efektif, transparan, deng bartanggung jawab. (Keket)
