AmbonVibes.com – Anggota Komisi III DPRD Provinsi Maluku Halimun Saulatu bilang, kontraktor palaksana wajib biking bae lakas-lakas samua karusakan yang tarjadi dalang proyek paningkatan ruas Jalang Piru–Loki di Kabupaten Seram Bagian Barat (SBB), salama akang masih dalang masa pamaliharaan.
Dia bilang, kawajiban itu musti biking akang par kualitas proyek tetap tajaga, deng masyarakat dapa rasa infrastruktur yang layak.
“Kalo memang masih dalang masa pamaliharaan, maka satiap karusakan yang muncol musti jadi tanggong jawab kontraktor, par lakas biking bae akang,” tegas Halimun, waktu dapa kontak dar Ambon, Sabtu (18/7/2026).
Halimun bilang, masalah kualitas jalang jadi parhatian Komisi III, pas abis komisi dapa barbage informasi dar masyarakat manganai kondisi satu dua titik ruas Jalang Piru–Loki yang dong lapor molai rusak, maski akang proyek balong lama abis karja.
Par akang informasi, kata Halimun, Komisi III lebe dolo su minta panjalasan pihak palaksana proyek manganai status panyalaseang pakarjaan.
Manurut Halimun, kajalasan manganai tahapan proyek paleng panting, par DPRD bisa tau sapa yang masih tanggong jawab akang.
Bardasarkan panjalasan yang komisi dapa, kontraktor kastau samua pakarjaan yang jadi ruang lingkup kontrak su abis karja.
Mar, masih ada sakitar dua kilo ruas jalang yang belong dapa biking tagal seng maso dalang paket pakarjaan yang samantara dong karja.
Oras ini, pakarjaan yang su abis karja juga su maso tahap pamaliharaan. Mananggapi panjalasan itu, Halimun bilang kontraktor tetap wajib biking bae, kalo ada dapa karusakan salama masa pamaliharaan.
“Masyarakat pung hak dapa infrastruktur jalang barkualitas, deng bisa pake dalang jangka waktu yang lama,” sebut dia.
Salaeng sorot kondisi jalang, Halimun juga partanyakan panarapan standar teknis, dalang pambangunan ruas Jalang Piru–Loki. Dia menilai, pwmbangunan jalang musti seng cuma orientasi di panyalaseang badang jalang, mar juga musti iko deng sistem drainase yang bae.
“Apakah standar BPJN memang biking jalang sondor drainase? Ini parlu kas jalas tagal drainase marupakan bageang panting, par jaga umur deng kualitas jalang,” ujar Halimun.
Dia sebut, kabaradaan drainase pung peran panting, dalang malindungi konstruksi jalang dar genangan aer, yang pung potensi kas capat karusakan.
Tagal itu, akang aspek parlu jadi parhatian dalang satiap pakarjaan pambangunan mopun paningkatan ruas jalang. Sabage tindak lanjut, manurut Halimun, Komisi III mo pi tinjau langsung lokasi proyek, kalo su abis agenda di Jakarta.
“Kunjungan lapangan parlu par lia langsung kondisi ruas Jalang Piru–Loki, sakaligus pastikan kualitas pakarjaan su pas deng standar KA balong,” tandas dia.
Halimun bilang, Komisi III mo tarus maeng fungsi pangawasan tarhadap palaksanaan proyek infrastruktur di Maluku, par satiap pakarjaan bawa manfaat maksimal par masyarakat, deng jamin panggunaan kepeng nagara bajalang efektif, transparan, deng akuntabel. (Red/Merindu)
