AmbonVibes.com – Direktorat Reserse Kriminal Umum (Ditreskrimum) Polda Maluku ada tangka laklaki yang dapa duga talibat dalang sajumlah parkara papancuri di dalang Kota Ambon. Laklaki nama SN alias Salembe, warga Kecamatan Salahutu, Kabupaten Maluku Tengah. Polisi loko dia har Minggu (7/6/2026) malang.
Dari informasi yang takumpul, polisi tangka Salembe tagal dapa kanal dia pung jejak dalang sajumlah laporan parkara papancuri di dua-tiga lokasi baku laeng.
Pas abis loko Salembe, polisi langsung bawa dia pi ka Markas Ditreskrimum Polda Maluku di Batu Meja, Kota Ambon, par iko pamariksaan lebe lanjut.
“Dia su dapa tangka dari malang dan sakarang iko proses pamariksaan,” ujar salah satu sumber kepolisian, Senen (8/6/2026).
Salembe dapa duka biking dia pung aksi di sajumlah tampa. Dar hasil panyalidikan awal, panyidik duga Salembe pung kaitan deng aksi-aksi pancurian di sajumlah tampa di Kota Ambon, antara laeng Batu Merah, Laha, Galunggung, sampe kawasan STAIN.
Oras ini, polisi masih gale lebe dalang kamungkinan Salembe tamaso memang dalang barbagae laporan kahilangan yang maso ka polisi balakangan ini.
Dalang sajumlah akang parkara, polisi duga Salembe ambe korban pung barang-barang barharga macang telepon genggam, komputer jinjing (laptop), parhiasan emas, sampe uang tunai.
Manurut sumber kapolisian, puluh-puluh unit telepon ganggam dar barbage merek deng tipe dapa lapor ilang dalang sajumlah kajadian yang oras ini samantara panyidik gale.
Maski bagitu, sampe oras ini, Polda Maluku balong kase katarangang resmi takait status hukum Salembe, mopun jumlah parkara yang dia tamaso di akang.
Panyidik masih pariksa deng intensif par mo ungkap samua rangkeang tindak pidana yang polisi duga salembe biking akang, deng juga kamungkinan ada pihak laeng sama-sama deng dia.
Sampe berita ini dapa kas nae, Direktur Reserse Kriminal Umum Polda Maluku mopun Kabid Humas Polda Maluku balong kase tanggapan resmi takait akang panangkapan . Polda Maluku kamungkinan mo kastau parkambangan hasil panyalidikan kalo proses pamariksaan tarhadap Salembe su klaar. (Red)
