AmbonVibes.com — Ketua DPRD Maluku Benhur George Watubun, ajak generasi muda Maluku supaya jangan cuma anggap Hari Pattimura sebagai seremoni tahunan semata.
Menurut dia, momentum Pattimura ke-209 di tahun 2026 ini harus jadi titik untuk perkuat persatuan, semangat juang, deng rasa cinta terhadap daerah.
“Peringatan ini jang cuma seremonial saja. Ini harus jadi momen untuk ana-ana muda perkuat persatuan deng semangat bangun Maluku,” kata Watubun di Ambon, Jumat (15/5/2026).
Watubun tegas bilang, nilai-nilai perjuangan Thomas Matulessy harus tetap hidup di tengah tantangan zaman yang makin modern deng kompetitif sakarang ini.
“Perjuangan Pattimura itu bukan cuma soal lawan penjajah, tapi soal keberanian, pengorbanan, deng semangat bangun negeri. Itu yang wajib diwariskan ke generasi muda,” ujarnya.
Dia juga bilang, generasi muda Maluku pung tanggung jawab basar for jaga nilai-nilai itu dalam kahidupang sahari-hari.
“Sejarah jang sampe dilupakan. Itu harus jadi sumber inspirasi supaya anak muda bisa berprestasi di berbagai bidang,” tambah dia.
Lebih lanjut, Watubun dorong anak muda Maluku supaya barani pung mimpi basar, tetap jaga persaudaraan, deng kasih kontribusi nyata buat daerah.
“Semangat Pattimura harus hidup dalam diri anak muda. Dorang harus berani bermimpi besar, jaga gandong, deng bangun Maluku dengan kemampuan yang ada,” tegasnya.
Dia menilai, peringatan Hari Pattimura juga jadi ruang refleksi bersama untuk perkuat identitas deng rasa cinta tanah air, khususnya di kalangan generasi muda.
Watubun juga ingatkan pentingnya peran pemerintah daerah, lembaga pendidikan, sampe seluruh elemen masyarakat untuk buka ruang pengembangan potensi anak muda.
Menurut dia, dukungan itu penting di berbagai sektor, mulai dari pendidikan, kreativitas, olahraga, sampe kewirausahaan.
“Ana muda Maluku ini potensi basar sekali. Tinggal bagaimana katong samua kasih dukungan deng kesempatan supaya dorang bisa berkembang dan angka nama Maluku di tingkat nasional sampe internasional,” katanya.
Di akhir, Watubun berharap momentum Pattimura tahun ini bisa benar-benar bangkitkan semangat kebangsaan deng optimisme masyarakat Maluku untuk tarus maju.
“Beta harap semangat Pattimura ini bisa jadi energi baru buat katong samua untuk tarus maju deng berkembang,” tutupnya.
(red/merindu)
