AmbonVibes.com — Wakil Wali Kota Ambon Ely Toisutta hati paleng sanang deng pono rasa sukur tagal dapa panghargaan Puspa Adhikara dalam ajang Anugerah Puspa Adhikara 2026 yang KompasTV biking akang di Menara Kompas, Jakarta, Senen (13/4/2026) malang.
Panghargaan itu akang jadi pangakuan atas peran dan kontribusi parangpuang dalang kapamimpinan serta pambangunan di barbage sektor strategis.
Ely bilang, panghargaan yang dia tarima akang bukang sakadar capean pribadi, malaengkang hasil karja kolektif saluruh masyarakat Kota Ambon, lebe khusus parangpuang yang salama ini aktif kase kontribusi dalang pambangunan daerah.
“Panghargaan ini bukangnpar beta sandiri, mar untuk samua masyarakat Ambon, tarutama parangpuang-parangpuang hebat yang tarus kase kontribusi,” ujar Ely.
Dia manilai, peran parangpuang sakarang tamba lebe strategis dalang barbage bidang, mulai dar pemerentahan, ekonomi, pendidikan, kesehatan, sampe deng sosial kamasyarakatan.
Ely ajak parangpuan di Kota Ambon par tarus tambah kapasitas diri deng barani ambe peran dalang ruang-ruang pangambilan kaputusan.
“Parangpuang musti berani tampil, bardaya, deng tarus biking karya. Dari tangang parangpuang, lahir parubahan basar yang bawa dampak par masyarakat,” kata Ely.
Manurut dia, katarlibatan aktif parangpuang manjadi salah satu kunci dalang mandorong pambangunan daerah yang inklusif dan barkalanjutan.
Ely harap panghargaan ini bisa jadi motivasi par generasi parangpuang di Ambon, par tarus biking inovasi deng kase kontribusi nyata par pambangunan.
Panghargaan Puspa Adhikara sandiri dapa kase par parangpuang pung kapamimpinan, pangaruh, deng peran strategis dalang dia pung bidang.
Anugerah Puspa Bangsa 2026 marupakan ajang apresiasi par perempuan inspiratif di Indonesia yang pung kiprah di berarbage sektor, mulai dar kapamimpinan publik, pambardayaan ekonomi, pendidikan, kesehatan, sampe deng palastarian budaya deng lingkungan.
Ajang ini manjadi bentuk pangakuan atas dedikasi, inovasi, deng dampak nyata yang parangpuang biking par masyarakat deng pambangunan bangsa. (keket)
