AmbonVibes.com — Warga Kota Ambon geger kumbali deng paristiwa tragis yang tarjadi di kawasan bawah Jembatan Merah Putih (JMP), parsis di pasisir Pante Galala, Kacamatan Sirimau, Rabu (8/4/2026).
Saorang laklaki nama Anto Hahinu alias Anto, yang orang kanal dia pung status aparatur sipil negara (ASN), maninggal dunya pas abis balumpa dar atas jambatang ka air di bawah jambatang.
Akang paristiwa tarjadi sakitar jam 22.10 WIT. Akang mangundang parhatian warga deng pangunjung di sekitar lokasi.
Saksi mata Roland Syam (23) kastau, waktu kajadiang, dia Deng tamang-tamang ada di gazebo bawah JMP par latihan paduan suara.
“Kamuka beta kira ada orang mo cari baribot tagal orang barkarumun. Beta langsung lapor Babinkamtibmas,” ujar Ronald.
Seng lama, saksi dapa info dari pangunjung kafe bahwa ada orang balumpa dar atas jambatang deng balong dapa dia.
Warga deng pangunjung kafe langsung pi cari di lau. Korban akhirnya dapa di sakitar situ lalu warga deng aparat Babinkamtibmas evakuasi.
Upaya partolongan partama sempat dong biking di tampa, mar korban seng unju tanda-tanda kahidupan.
Korban lalu dapa kaslari ka Rumah Sakit Bhayangkara Ambon pake warga pung oto. Mar sampe di instalasi gawat darurat (IGD), dokter kastau korban su maninggal dunya.
Bardasarkan informasi yang takumpul, sabalong kajadiang, korban ada sempat pi pariksa kesehatan di dokter praktik deng kaluarga.
Pulang dar dokter, korban minta singgah di Jembatan Merah Putih deng alasan mo lia-lia pamandangan Kota Ambon malang hari.
Mar sampe di tampa brenti, kage lai korban balumpa maski su dapa cegah dar kaluarga. Akibat kajadiang ini, korban luka parah barupa patah tulang tangang kiri deng kaki kiri.
Kasi Humas Polresta Pulau Ambon dan Pp Lease Ipda Janete S. Luhukay bilang, polisi masih tarus cari tau lebe jao.
“Benar, tadi malang saorang warga balumpa dar JMP. Korban patah kaki kiri deng tangang kiri, dan maninggal dunya. Oras ini, jenazah ada di rumah keluarga di Waiheru,” ujar Janete, Kamis (9/4/2026).
Janete bilang, alasan korban nekat akhiri hidop masih dalang proses panywlidikan lebih lanjut.
“Kasus ini masih dalang panywlidikan. Nanti akang pung parkambangan, Katong kastau,” tandas Janete.
Pihak kapolisian juga imbau masyarakat par waspada. Lakas lapor kalo ada kajadiang macang bagini. (Red)
