AmbonVibes.com – Wali Kota Ambon Bodewin Wattimena deng jajaran Pemerentah Kota tarima kunjungan Duta Besar Kerajaan Belanda untuk Indonesia Marc Gerritsen, Salasa (7/4/2026).
Acara baku dapa barlangsung hangat paskali. Dong dua ansprak sajumlah paluang investasi strategis antara Pemerintah Kota Ambon deng Pemerintah Belanda, khususnya di sektor pendidikan, budaya, deng ekonomi.
“Hari ini jajaran Pemkot Ambon tarima Duta Besar Kerajaan Belanda dengvrombongan,” kata Bodewin par awak media.
Dalang pertemuan, Wali Kota ungkapkan sajumlah rencana karja sama yang pung potensi par barkambang eso-eso. Di antara samua itu, ada paluang par anana skolah asal Ambon lanjut studi ka Belanda, deng rencana rehabilitasi Museum Siwalima.
Salaeng itu, tardapat rancana pambangunan pusat olahraga di kawasan Rutong sabage bageant dar panguatan sektor olahraga deng infrastruktur kota.
“Katong harap anana katong bisa sekolah dan kuliah di Belanda. Katong juga ansprak rehab Museum Siwalima, deng paluang bangong pusat olahraga di Rutong,” papar Bodewin.
Dia bilang, paluang kerja sama ini tarbuka luas tagal hubungan Ambon-Belanda ;su tajaleng lama malalui barbage program kolaborasi. Salah satu macang kota kambar Ambon-Vlissingen.
Salaeng itu, karja sama juga su tajaleng dalang pangalolaan klinik mata dan sistem parsampahan.
“Salama ini katong su karja sama dalang banya hal, sahingga eso-eso tinggal bagemana katong kas kuat deng kas loas karja sama par bawa dampak langsung par masyarakat,” jelas Bodewin.
Dalang kaswmpatan itu, Dubes Belanda juga sampekan apresiasi par masyarakat Kota Ambon yang beken sabage pandukung setia tim nasional Belanda di barbage ajang internasional.
“Secara khusus ontua bilang danke par warga Kota Ambon yang salalu dukung Timnas Belanda. Malah ontua janji mo bale bulang Juni par nonton bareng waktu Timnas Belanda tampil di Piala Dunnya,” ungkap Bodewin.
Pemerentah Kota Ambon rencana biking nonton bareng di Lapangan Merdeka sabage bantuk kabarsamaan masyarakat.
Bodewin menilai kunjungan inianjadi momentum penting par kas kuat hubungan Ambon- Belanda, sakaligus buka paluang investasi yang bawa dampak par partumbuhan ekonomi daerah.
“Dangke Pak Dubes, samoga karja sama ini tarus barkambang deng kase manfaat par masyarakat Kota Ambon,” tutup Bodewin. (Piere)
