AmbonVibes.com – Welmince Birahy, mama muda asal Negeri Hulaliu, Kecamatan Pulau Haruku, Kabupaten Maluku Tengah dapa vonis bui 8 taong. Majelis Hakim Pengadilan Negeri Ambon yang biking vonis pung alasan, dia pake kakarasang sampe ana bayi sandiri yang bar lahir abis nafas.
Hakim baca akang putusan dalang sidang har Senen (6/4/2026). Hakim Martha Maitimu yang pimpin akang sidang.
Dalang amar putusan, majelis hakim bilang, parbuatan Welmince tarbukti sacara sah dan mayakinkan malanggar Pasal 80 ayat (3) Undang-Undang Nomor 35 Tahun 2014 tentang Parlindungan Anak.
“Manjatuhkan hukuman par tardakwa Welmince Birahy deng pidana panjara salama 8 taong,” ujar hakim katua di parsidangan.
Salaeng pidana panjara, tardakwa juga dapa denda Rp100 juta. Kalo seng bayar, akang denda ganti deng pidana kurungan 3 bulang.
Putusan majelis hakim ini lebe barat dibanding tuntutan Jaksa Panuntut Umum (JPU) yang sabalong itu tuntut 5 taong bui.
Hakim manilai vonis itu masih lebe haringang kalo banding akang deng ancaman maksimal pasal yang jerat terdakwa, yakni dampe 15 taong panjara.
“JPU tuntut 5 taong dan majelis hakim putus 8 taong panjara,” ungkap hakim.
Bae tardakwa mopun JPU sama-sama tarima akang vonis, jadi langsung akang pung kakuatang hukum tatap.
Dalang parsidangan tarungkap, paristiwa tragis itu tarjadi 27 Agustus 2025 sakitar pukul 23.00 WIT di kawasan hutan Wairia, Negeri Hulaliu.
Saat itu, terdakwa yang ada hamil di luar nikah, sangaja malahirkan sadandiri di hutan tagal seng mo tanggong malu.
Dalang kondisi saki-saki, tardakwa malahirkan deng posisi satengah jongkok dampe kapala bayi kaluar.
Mar, waktu dia coba pegang bayi, dia pung tangang kana bageang mulu. Lalu dalang kondisi emosi, tardakwa tarek bayi deng paksa.
“Tardakwa tarek bayi dar bageabt mulu sampe luka sobek. Laste-laste, bayi maninggal dunya,” ungkap Jaksa dalang parsidangan.
Akang parkara jadi parhatiang publik deng tambah panjang daftar parkara kakarasang tarhadap anak di Maluku. (red/kbrn)
