AmbonVibes.com — Komisi I DPRD Provinsi Maluku taruh parhatian basar par proses hibah lahan di Kabupaten Seram Bagian Barat (SBB) musti kase capat deng jalas. Akang dapa angka dalang rapat barsama Pemerintah Kabupaten SBB dan Pemerintah Provinsi Maluku di ruang Komisi I DPRD Maluku, Kamis (2/4/2026).
Katua Komisi I DPRD Maluku Solichin Buton bilang, samua tahapan hibah musti iko mekanisme dan taruh transparansi di muka supaya jang ada polemik dalang masyarakat.
Manurut Solichin, maski proses hibah su ada parkambangan, masih ada satu-dua hal yang parlu kas beres akang, bae dari sisi administrasi mopun teknis.
“Proses su bajalang deng ada progres. Mar samua tahapan musti katong tau pasti akang bajalang tabuka deng iko prosedur par jang timbol parsoalan eso-eso,” ujar Solichin.
Dia juga manilai barbage tanggapan, tarmasuk panolakan dar sabageang pihak, marupakan dinamika yang musti dapa respon deng bijak mar jang buang prinsip ati-ati
Dalang rapat itu, dapa tau rencana hibah lahan su iko tahap koordinasi awal deng pemerentah daerah dan instansi takait. Mar, komunikasi lanjutan masih parlu kas kuat akang par dapa kasapahaman barsama.
Solichin managaskan, DPRD malalui Komisi I mo kawal proses hibah par tetap bajalan dalang koridor hukum dan seng biking interpretasi baku laeng, eso-eso.
“Koordinasi musti tarus kas tambah par satiap tahapan bisa bajalang lancar deng seng timbol polemik panjang,” tegas Solichin.
Dia juga biking inga samua pihak par jang paparipi ambe kasimpulan sabalong samua proses selesai sacara utuh.
Samantara itu, Pemerentah Kabupaten Seram Bagian Barat mulai biking panataan ulang tarhadap panggunaan lahan yang salama ini pake par kapantingan pemerentahan.
Sekretaris Daerah SBB Leverne Alvin Tuasuun bilang, dong su bantuk tim khusus par kaji status dan skema panyalasaian akang aset.
“Proses ini musti malalui kajian yang masa. Katong seng mo ada kasalahan dalang pangambilan kaputusan yang pung potensi biking masalah, eso-eso,” ujar Alvin.
Manurut Alvin, pananganan parsoalan ini seng bisa paparipi tagal sabagean lahan masih takait deng kawenangan Pemerentah Provinsi Maluku.
Dia bilang, koordinasi kabupaten deng provinsi jadi kunci utama par kas abis akang masalah. Sajumlah partemuan awal dong su biking mar balong dapa hasil kaputusan final.
Tagal itu, Pemkab SBB pilih kas kuat parancanaan deng biking sama persepsi antar pihak sabalong ambe langkah lebe jao.
“Dukungan DPRD dan Pemerintah Provinsi Maluku paleng panting par proses panataan lahan bisa bajalang lancar deng dapa solusi yang adil par samua pihak,” pungkas Alvin. (keket/merindu)
