AmbonVibes.com — Parkara orang basar dong pancuri kepeng di PT Dok dan Perkapalan Waiame Ambon Taong 2020–2024, ternyata akang seng tadudu. Panyidik Kejaksaan Negeri Ambon ada pegang akang deng tarus bajalang.
Parkara papancuri kepeng negara ini, kamungkinan biking rugi amper Rp19 miliar dar total kepeng Rp177 miliar. Jaksa masih tunggu BPKP RI Perwakilan Maluku dong pariksa deng rekeng karugian.
Kapala Seksi Intelijen Kejari Ambon Alfreds Talompo kastau, panyidik ada fokus par tunggu BPKP rekeng karugian nagara.
“Par parkara PT Dok, oras ini masih dalang tahapan barekeng karugian nagara. Satu dua minggu lalu, katong su koordinasi deng BPKP manganai tempo apa hasil audit bisa kaluar,” ujar Alfreds, Kamis (26/3/2026).
Dia bilang, kajaksaan kamuka su ekspose parkara, sampe tahap barikut su di kawenangan BPKP par rekeng sacara resmi karugian nagara.
“Katong tinggal tunggu BPKP. Katong panyidik harap, dalang tempo deka-deka, BPKP su kas kaluar surat tugas par kas tarus proses rekeng karugian nagara,” jelas Alfreds.
Dia juga tepis barbage isu dalang masyarakat yang bilang parkara ini su tadudu di tampa.
“Parkara ini seng tadudu. Akang pung proses su bajalang. Jadi jang ada asumsi di luar bahwa Kejari Ambon su tutu parkara ini ato ada ‘86’. Sondor,” tegas Alfreds.
Dalang pangambangan perkara, panyidik su pegang nama-nama yang kamungkinan basar jadi tarsangka, antara laeng Direktur Utama PT Dok dan Perkapalan Waiame Slamet Riyadi, Manager Keuangan dan Akuntansi Wilis Ayu, deng staf kauangan Nova Rondonuwu.
Salaeng itu, panyidik juga su sita barang-barang bukti penting, macang dokumen kauangan, dua unit mobil mewah, deng uang tunai sakitar Rp1 miliar.
Barang bukti itu, jaksa duga takait deng pangalolaan anggaran parusahaan yang sakarang samantara dapa pariksa dar aparat panagak hukum.
Parkara ini jadi parhatian publik, tagal nilai karugian nagara yang lumayan basar deng proses hukum yang masih tarus bajalang, ada samantara tunggu hasil audit resmi. (red)
