AmbonVibes.com – Anggota DPRD Provinsi Maluku Dapil Kota Ambon Ary Sahertian ada minta par kas kuat pangamanan di Gedong Baru Pasar Mardika, Kecamatan Sirimau. Akang parlu paskali, barang parkara orang papancuri paleng bikin susah padagang.
“Beta peleng prihatin dapa dengar parkara papancuri tamba banya di Gedung Baru Pasar Mardika,” kata Ary Sahertian, Kamis (26/3/2026).
Dia bilang, parkara papancuri ini paleng bikin susah hati pedagang, dan akang pung potensi baganggu aktivitas ekonomi masyarakat.
“Katong tarima banya kaluhan padagang manganai papancuri yang abis banya. Seng bisa kas biar akang bagitu-bagitu saja tagal akang pung dampak langsung par rasa aman deng kanyamanan dong yang bajual,” ujar Ary Sahertian.
Manurut dia, gadong baru yang musti jadi pusat aktivitas ekonomi modern justru akang balong pung sistem pangamanan yang cukup bae.
Ary minta Pemerentah Provinsi (Pemprov) Maluku malalui Dinas Perindustrian dan Perdagangan (Disperindag) lakas ambe langkah nyata, par kas kuat pangawasan di dalang akang pasar.
“Parlu ada panambahan patugas kaamanan, pasang CCTV di titik-titik rawan, deng pangawasan musti intensif, tarutama malang-malang hari,” tegas Ary.
Dia juga stressing parlu paskali koordinasi antara pemerentah provinsi, pemerentah kota, deng aparat kaamanan, par biking pasti kondisi Pasar Mardika tetap bae.
Salaeng itu, Ary ajak padagang tetap waspada deng baku jaga lingkungan sakitar, sabage langkah pancagahan dini tarhadap tindak kriminalitas.
“Katong harap ada tindakan capat, supaya padagang bisa kumbali biking dong pung aktivitas deng tanang, sondor musti takotang barang-barang linyap,” tandas Ary Sahertian. (Leo)
