AmbonVibes.com – Wali Kota Ambon Bodewin Wattimena pimpin Apel Gelar Pasukan Operasi Ketupat 2026 di halaman Polresta Pulau Ambon dan Pulau-Pulau Lease, Kamis (12/3/2026).
Dalang operasi pangamanan Idul Fitri taong ini, ada 992 personel dapa lapas ka lapangan. Jumlah itu tardiri dar 305 personel Operasi Katupat, 419 personel pangamanan malam takbiran, deng 268 personel pangamanan Salat Idul Fitri.
Salaing itu, aparat juga ka siap 19 Pos Pengamanan, 2 Pos Palayanan, deng 2 Pos Tarpadu par dukung kalancaran pangamanan salama parayaan Lebaran.
Bodewin jelaskan, saluruh pangamanan marupakan karja sama personel gabungan yang kas iko Tentara Nasional Indonesia (TNI), Kepolisian Negara Republik Indonesia (Polri), deng barbage instansi takait.
Khusus par pangamanan malam takbiran, pihak kapolisian deng jajaran pemerentah daerah su biking siap langkah antisipasi deng ator arus lalu lintas par seng jadi macet ato gangguan laeng.
“Par malang takbiran, su siap 11 titik pangalihan arus dar personel gabungan TNI/Polri deng instansi takait. Salaeng itu ada 21 titik pos jalur deng ampa daerah rawan, yaitu Talake, Batu Merah, JMP Galala, deng JMP Poka,” jelas Wattimena.
Bodewin tegaskan, ampa titik itu bukan kategori rawan dalang hal kaamanan deng katartiban masyarakat, malaengkang tagal jalur utama manuju pusat kota yang biasa peserta takbir kuliling lewat akang.
Manurut dia, arus kandaraan yang maso pusat kota umumnya lewat JMP sampe Passo jadi parlu biking rekayasa lalu lintas par manghindar kapadatan kandaraan.
“Tagal itu parlu biking panyakatan ruas-ruas jalang tartantu, macang yang su biking taong kalamareng. Hal ini bukan faktor kamtibmas, malaengkan tagal aros kandaraan maso pusat kota paleng tinggi,” terang Bodewin.
Samantara itu, Kapolresta Pulau Ambon deng Pulau-Pulau Lease Yoga Putra Prima Setya manyampaikan apresiasi par Pemerentah Kota Ambon deng Kodim 1504 Ambon dalang palaksanaan Operasi Katupat taong ini.
Dia bilang, operasi itu marupakan operasi kamanusiaan yang bartujuan kase rasa aman par masyarakat salama parayaan Idul Fitri.
“Katong siap kase palayanan masyarakat, tarmasuk par warga yang mudik dan mo titip rumah mopun kandaraan ka kapolisian,” ujarnya. (Keket)
