AmbonVibes.com – Warga di jiku-jiku Maluku mulai hawatir akang kaco basar tantara Israel gabung Amerika lawan tantara Iran. Dong takotang jang sampe bahan bakar minya ilang di pasar.
Mananggapi rasa hawatir itu, anggota DPRD Provinsi Maluku Anos Yeremias kastau, BBM nasional mopun di Maluku masih dalang kondisi aman.
Anos bilang akang waktu biking kagiatan reses di sajumlah desa di wilayah Kapulauan Tanimbar. Dalang acara baku dapa deng masyarakat, isu BBM jadi salah satu isu utama yang warga angka akang.
Manurut Anos, ada warga tanya apa yang pemerentah su biking par jaga-jaga, tarutama yang pung potensi ganggu jalur pardagangan minya dunya.
“Dalang reses kami di Tanimbar, banya masyarakat tanya soal stok BBM di tengah situasi di kawasan Teluk. Dong hati susah, jang sampe konflik bawa dampak par pasokan energi,” ujar Anos.
Anos bilang, Menteri Energi dan Sumber Daya Mineral (ESDM) Bahlil Lahadalia su ulang-ulang kastau, stok BBM nasional masih aman.
Manurut Anos, produksi dan distribusi BBM tetap bajalang deng bae jadi masyarakat seng parlu panik tarhadap kamungkinan BBM ilang di pasar.
.mangakui kapasitas tangki panyimpanan BBM di dalang negeri memang pung katarbatasan. Mar, pemerentah su antisipasi malalui barbage langkah pangalolaan stok deng distribusi.
Lebe lanjut, Anos bilang, isu BBM juga su dapa bahas dalang rapat gabungan Komisi II dan Komisi III DPRD Maluku deng mitra karja, tarmasuk Pertamina Patra Niaga wilayah Ambon.
Dalang rapat, su ada panjalasan bahwa kapasitas tangki timbun BBM memang tarbatas, mar angka itu akang cuma gambarkan daya tampung, bukang bararti stok BBM mo abis dalang tempo singkat.
“Pak Menteri su bilang, kapasitas tangki timbun sakitar 23 hari. Mar itu bukang bararti BBM su mo abis dalang 23 hari. Itu cuma par kastau kapasitas tampung, samantara pasokan tarus maso malalui produksi dan distribusi,” jelas Anos.
Tagal itu, Anos minta warga di Kapulauan Tanimbar, Maluku Barat Daya, deng samua tampa di Maluku seng parlu panik deng situasi global yang barkembang oras ini.
“Katong minta masyarakat tetap tanang. Pemerentah jamin katarsediaan bahan bakar minyak tetap aman,” tegas Anos. (Keket)
