AmbonVibes.com – Dinas Lingkungan Hidup dan Persampahan Kota Ambon (DLHP) mulai tanang anakan pohon Gadihu. Akang par biking ijo Kota Ambon. Wali Kota Bodewin Wattimena barbaru ini minta samau PNS tanang gadihu di dong pung tampa karja.
Kagiatang ini dong biking mulai dar kawasan TP PKK Kota Ambon sabage titik awal program panataan lingkungan yang pemerintah kota kas jalang akang.
Kapala DLHP Kota Ambon Apries Benel Gaspersz bilang, pananaman anakan Gadihu ini akang maksud par biking moi lingkungan skaligus par jaga kalastarian tanaman khas daerah.
“DLHP mulai tata deng tanang anakan Gadihu, mulai dar kawasan Kantor TP PKK Kota Ambon sabage bageang dar upaya panghijauan deng panataan lingkungan kota,” ujar Apries par sajumlah media di ruang kerja, Kamis (12/3/2026).
Apries harap, pananaman gadigu bisa kase manfaat jangka panjang par lingkungan, tarmasuk biking bae kualitas udara deng biking niwi akang kota.
Salaeng itu, DLHP juga mandorong katarlibatan masyarakat par iko jaga deng rawat tanaman yang dong su tanang akang par program panghijauan bisa bajalang sacara barkalanjutan.
Program panataan deng pananaman pohon ini marupakan bageang dar komitmen Pemerintah Kota Ambon par biking lingkungan yang lebe ijo, barsih, deng nyaman par masyarakat.
Malalui langkah itu, pemerentah kota harap kasadaran masyarakat par piara lingkungan lebe maningkat, sakaligus mandukung upaya palastarian tanaman lokal di Ambon. (Piere)
