AmbonVibes.com – Kantor Kesyahbandaran dan Otoritas Pelabuhan (KSOP) Kalas I Ambon biking uji petik tarhadap kapal-kapal yang pung basis di Ambon. Akang par mo pastikan kasiapan palayanan angkutan laut par maso-maso arus mudik Idul Fitri 1447 Hijriah atau Lebaran 2026.
Dar samua 21 kapal yang tacatat pung home base Ambon, sabanyak 18 kapal ato 86 persen su dapa pariksa. Langkah ini dong ambe par pastikan saluruh armada pung standar kasalamatan palayaran.
Kapala Bidang Lalu Lintas Laut (Kabid Lala) KSOP Ambon Iyan Ashari bilang, uji petik marupakan bageang dar upaya mo pastikan kapal yang malayani masyarakat salama pariode angkutan Lebaran banar-banar dalang kondisi laik laut.
“Dari 21 kapal home base Ambon, 18 kapal ato 86 persen su uji petik par pastikan kasiapan operasional dalang malayani masyarakat par angkutan Lebaran taong ini,” kata Iyan di Ambon, Minggu (9/3/2026).
Iyan jelaskan, uji petik par pariksa barbage aspek penting kasalamatan kapal. Pamariksaan itu maliputi kalangkapan dokumen kapal, kondisi alat kasalamatan, paralatan navigasi, sampe kasiapan awak kapal.
Manurut dia, pamariksaan ini jadi langkah panting par pastikan saluruh armada yang malayani panumpang salama masa angkutan Lebaran barada dalang kondisi aman deng sasuai standar kasalamatan palayaran.
Deng bagitu, masyarakat yang pake transportasi laut bisa balayar deng lebe aman deng nyaman salama periode mudik.
Salaeng mo pastikan kasiapan armada kapal, KSOP Ambon juga biking siap tiga palabuhan utama yang mo layani arus mudik deng arus balik Lebaran di Kota Ambon.
“Tiga palabuhan yang dapa kas siap itu Palabuhan Yos Sudarso, Pelabuhan Slamet Riyadi, dan Pelabuhan Siwabessy,” ujar Iyan.
Katiga palabuhan itu akang jadi titik utama palayanan panumpang kapal laut dar Ambon manuju barbagai daerah di Maluku mopun wilayah Indonesia timur laeng.
KSOP Ambon juga tarus koordinasi deng operator kapal, juga sajumlah instansi takait par pastikan palayanan angkutan laut salama periode Lebaran bajalang aman dan lancar.
“Katong harap saluruh kapal yang baroperasi bisa kase palayanan yang aman, nyaman, deng sasuai standar kaselamatan pelayaran,” kata Iyan.
Dia juga mangimbau masyarakat yang mo mudik pake transportasi laut par perhatikan jadwal kabarangkatan kapal deng patuhi atorang kasalamatan salama barada di atas kapal. (red)
