AmbonVibes.com – Wali Kota Ambon Bodewin Wattimena bilang, Makan Bargizi Gratis (MBG) yang marupakan program prioritas Pemerentah Indonesia musti kase dampak bae par masyarakat, bae dar sisi gizi mopun ekonomi.
Bodewin bilang akang waktu pimpin Rapat Koordinasi (Rakor) deng Perwakilan Badan Gizi Nasional, Satuan Pelayanan Pemenuhan Gizi (SPPG) deng Mitra Pangelola dalang rangka biking bae pangalolaan MBG di Kota Ambon. Akang Rapat barlangsung di Balai Kota Ambon, Rabu (4/3/26).
“Kalo bali bahan baku di Kota Ambon, jualan padagang laku. Di situ ada dampak ekonomi par warga masyarakat, salaeng pamanuhang gizi bae par anana,” ungkap Bodewin.
Manurut Bodewein, Badan Gizi Nasional (BGN) musti bakarja sama deng supplier di daerah, tarmasuk Kota Ambon. Akang mambantu ekonomi masyarakat deng seng ada panimbunan bahan makanan yang tantu barujung bahan makanang busu.
Salaeng itu, manurut Bodewin, pamilihan tanaga karja yang bartugas sabage SPPG juga parlu dapa parhatikan. Manurut Wali Kota, kalo program ini bajalang di Ambon, maka warga kota barhak isi posisi yang parlu.
“Kalo su ada di Ambon, wajib tarima warga kota. Hal ini tantu pung tujuan biking kurang angka pangangguran. Hari ini katong pung paluang kase kontribusi par banya orang,” tandas Bodewin.
Wali Kota minta SPPG par lebe kreatif jalankan tugas, par tepis pamikiran orang tua tarhadap kualitas makanang.
“Mulailah tabuka ka publik deng posting samua hal yang bapa ibu biking. Lama-lama orang seng pung pikiran tarbae par program MBG lai,” pungkas Bodewin.
Bodewin harap, malalui pasang-pasang itu tantu BGN timbang akang deng bawa dampak par Ambon. Deng bagitu, eso-eso akang lebe bae par ekonomi deng gizi, lalu orang lebe tambah parcaya MBG. (Piere)
