AmbonVibes.com – Kasat Reskrim Polres Tual Iptu Aji Prakoso Trisaputra bilang, parkara kakarasang deng tersangka Mesias Siahaya deng korban maninggal Arianto Tawakal, pasti bajalang transparan. Dia bilang akang waktu abis reka ulang 29 adegan di TKP par paristiwa Kamis, 19 Februari 2026 tempo hari.
“Katong usaha parkara ini bajalang transparan, di sini juga ada kajaksaan yang turung par lia proses reka ulang adegan,” ujar Aji, Rabu (4/3/2026).
Dia bilang, Pihak Kapolisian sajao ini juga dapa kontrol dari lembaga internal dar pusat mulai dar Mabes, Polda, sampe Polres.
“Jadi katong barupaya profesional deng objektif tarhadap pananganan parkara,” tegas Aji.
Dia juga minta pangawasan maksimal dar orang tua par anana di bawah umur.
“Katong minta orang tua jaga anana di bawah umor yang seng pung surat ijin mengemudi (SIM) par jang bawa kandaraan dolo, deng inga par pake helem dan parlengkapan laeng,” pinta Aji.
Sabagemana satu dunya su tau, Oknum Brimob Pelopor C Maluku Bripda Mesias Siahaya jadi tarsangka tagal aksi kakarasan yang biking ana skola umor 14 taong maninggal dunya, Kamis (19/2/2026).
Dugaan kakarasang itu biking Arianto Tawakal (14) jatuh dar motor tagal kana helem oknum Brimob Pelopor C Maluku di ruas jalan RSUD Marren. (Vera)
