AmbonVibes.com – Kapolda Maluku Dadang Hartanto ikut rasa sedih sakaligus minta maaf par kaluarga Arianto Tawakal (14), yang maninggal dunya seng lama dar kajadiang di deka-deka Kampus Uningrat Tual, Kamis (19/2/2026). Dalang kajadiang itu, nama oknum anggota Brimob Bripda Mesian Siahaya tabawa-bawa sabage terduga palaku.
“Katong iko rasa duka cita deng mohon maaf par kaluarga korban. Paristiwa ini jadi parhatian sarius katong, deng nantimo pegang akang deng sungguh-sungguh,” ungkap Kapolda.
Kapolda Maluku Dadang Hartanto tegaskan, institusi Polri seng parna mo toleransi par satiap bantuk palanggaran hukum mopun etika yang anggota biking.
“Pananganan perkara ini katong lakukan deng tegas dan balapis. Proses pidana bajalang, proses kode etik juga bajalan. Jika Kalo tabukti barsalah, akang pung sanksi jelas dan tegas,” kata Kapolda.
Sabage bantuk pangawasan internal, Kapolda su parenta Irwasda deng Kabid Propam Polda Maluku par investigasi mandalang tarhadap rangkeang paristiwa deng proses pananganan parkara.
Di sisi lain, Dansat Brimob Polda Maluku juga su pi ka Kota Tual par pastikan saluruh tahapan pananganan bajalan iko prosedur, sakaligus biking pengawasan langsung tarhadap personel di lapangan.
Kapala Bidang Humas Polda Maluku Kombes Pol Rositah Umasugi, S.I.K., sampekan komitmen itu, pas abis konferensi pers Polres Tual, Jumat (20/2/2026) pukul 15.00 WIT.
Dalang katarangang, Rositah bilang dugaan tindak pidana dalang parkara kamatian Arianto su resmi dapa proses di Polres Tual.
Terduga pelaku yang marupakan oknum anggota Brimob Kompi 1 Batalyon C Pelopor, Bripda Masias Siahaya, su dapa tahang di Rumah Tahanan Polres Tual par tanggungjawab dia pung parbuatan iko katantuan hukum yang barlaku.
Seng cuma itu, proses hukum tarhadap tarduga juga bajalan paralel deng panagakan Kode Etik Profesi Polri. Kalo dalang pamariksaan etik tarbukti malakukan palanggaran barat, sanksi tegas barupa Pemberhentian Tidak Dengan Hormat (PTDH) dar dinas Kepolisian Negara Republik Indonesia bisa jadi.
“Langkah ini marupakan wujud komitmen pimpinan par satiap proses bajalang objektif, profesional, deng bisa par tanggong jawab akang,” ujar Kabid Humas.
Polda Maluku tegaskan parkara ini pasti dapa proses deng transparan, akuntabel, dan tabuka tarhadap pangawasan publik.
Polda Maluku mangimbau masyarakat tetap tanang, seng mudah makang cabar deng informasi yang balong taverifikasi. Selaeng itu, masyarakat juga dapa minta par parcaya akang pung proses panagakan hukum par kapolisian. (Keket)
