AmbonVibes.com – Wali Kota Ambon Bodewin Wattimena bar abis resmi pangangkatan Pangganti Antarwaktu (PAW) anggota Saniri Negeri deng Badan Permusyawaratan Desa (BPD) di ampa negeri deng dua desa di wilayah Ambon, Jumat (13/2/2026). Kagiatan ini biking di Ruang Rapat Vlissingen, Balai Kota Ambon.
Ampa negeri yang dapa resmi PAW yakni Passo, Halong, Rutong, deng Batumerah. Samantara dua desa laeng yang juga dapa resmi yaitu Waiheru dan Nania.
Wali Kota Bodewin tegaskan panyalanggaraan pemerentahan daerah bajalang sampe ka tingkat paleng bawah, yakni desa, negeri, deng kelurahan. Di tingkat desa deng negeri, panyalanggaraan pemerentahan itu oleh dua unsur utama, yaitu kapala desa ato raja sabage unsur eksekutif, serta BPD dan Saniri Negeri sabage unsur legislatif.
“Kadua unsur ini maeng rol panting par pastikan panyalanggaraan pemerentahan, palayanan publik, deng palaksanaan pambangunan di tingkat desa deng negeri bajalang iko katantuang parundang-undangan,” ujar Bodewin.
Wali Kota jelaskan, fungsi utama BPD dan Saniri Negeri adalah biking pangawasan, kase partimbangan, deng jalankan fungsi representasi masyarakat. Peran itu penting par cipta mekanisme check and balances dalang pemerentahan di tingkat desa deng negeri.
“Hal ini par distribusi kawenangan yang dapa kase par pemerentah desa deng negeri seng sawenang-wenang, malaengkang ada dalang koridor hukom,” ungkap Bodewin.
Dia tekankan, kabaradaan BPD deng Saniri Negeri bukang dominasi kapala desa mopun raja, mar untuk biking saimbang pemerentahan. Kadua lembaga dapa angka deng dapa lantik dar Wali Kota deng tugas pokok dan fungsi laeng-laen mar baku biking lengkap.
Bodewin juga bilang, paresmian PAW ini tagal ada anggota BPD deng Saniri Negeri yang maninggal dunya, deng ada usul masyarakat sesuai mekanisme yang barlaku. Proses pangusulan deng paresmian ini iko kasepakatan dan prosedur sah di tingkat desa dan negeri.
Wali Kota biking inga samua anggota BPD deng Saniri Negeri yang baru dapa lantik par jalankan tugas deng pono integritas. Dia tegaskan, sumpah jabatan yang su ucap, akang pung makna yang sama deng sumpah pejabat publik yang laeng.
“Anggota BPD deng Badan Saniri Negeri harap mangabdi par masyarakat, malayani kapentingan rakyat, deng takotang Tongala dalang manjalankan tugas,” tegas Bodewin.
Salaeng itu, wali kota harap dong samua mampu bantu kapala desa deng raja par biking sukses samua program pemerentah, sakaligus kas bajalang fungsi pangawasan sacara objektif deng bartanggung jawab.
“Fungsi pangawasan bukang par cari masalah ato biking konflik dalang pemerentahan mar mo pastikan. pemerentahan bajalang deng bae,” beber Bodewin.
Wali Kota ajak samua par biking abis masalah internal deng cara musyawarah lebe dolo, baru angka ka pemerentah kota.
Manurut Bodewin, katidaksapakatan di tingkat lokal seng boleh pake pemerentah kota jadi salawaku par tutu kagagalan bangong kasapakatan dalan negeri ato desa.
ameng atas kegagalan membangun kesepakatan di dalam negeri atau desa.
Malalui PAW ini, Wali Kota harap kinerja pemerentahan di tingkat desa deng negeri Tamba lebe kuat deng saimbang, serta mampu par dorong pambangunan barkualitas deng palayanan publik yang lebe bae par masyarakat. (Ce)
