AmbonVibes.com — Parkara dugaan korupsi balanja pakeang saragam pagawe Bank Pembangunan Daerah Maluku–Maluku Utara (BPDM) tarangka kumbali ka ruang publik. Kepeng Rp18 miliar par pangadaan itu tanai tagal parnyataan Kapala Seksi Pidana Khusus (Kasi Pidsus) Kejaksaan Negeri Ambon Azer Jongker Orno takait parkambangan pananganan perkara tersebut.
Parkara ini jadi pambicaraan rame dalang masyarakat. Bahkan, seng sadiki pihak manilai isu itu pung potensi bawa pangaruh persepsi publik tarhadap stabilitas deng tata kalola kauangan daerah.
Mananggapi kondisi itu, Sekretaris DPD KNPI Provinsi Maluku Almindes Falantino Syauta bilang, sampe di tahap ini, kejaksaan musti su dapa ambe langkah tagas tarkait kalanjutan pananganan perkara.
“Publik hari ini tunggu kapastian. Proses su malalui pamanggilan saksi deng pangumpulan alat bukti. Tinggal lanjut ka meja sidang ato kas barenti sacara tabuka. Jang macang maeng pingpong, timpal sana timpal sini,” ujar Almindes kepada awak media.
Dia bilang, kategasan deng akuntabilitas Kajaksaan paleng panting par seng muncol spekulasi deng baribot dalang masyarakat.
Almindes juga soroti kabar yang baredar dalang masyarakat takait parmintaan par kepeng pangadaan saragam yang su kase ka aegawai BPDM, stor kumbali malalui Bank BRI. Manurut dia, informasi itu jadi tanda tanya basar.
“Kalo kabar itu banar, maka musti kase jelas sacara tabuka par publik. Mangapa kepeng dar kas Bank Maluku musti kas pindah ka Bank BRI? Publik pung hak par tau alasan yang jalas deng relevan,” tegas Almindes
Dia manilai, transparansi dalang pangalolaan dan pangambalian kepeng manjadi kunci par seng muncul dugaan baru yang justru biking kabor aer.
Almindes juga ada singgung parkara dugaan korupsi laeng di Maluku yang dia nilai balong dapa pegang bae-bae. Parkara yang sampe oras balong dapa kajalasan proses hukum, antara laeng parkara kepeng Kwarda Pramuka yang takait deng nama Widya Pratiwi Murad, dugaan parkara reboisasi, deng dugaan hibah fiktif yang libatkan Sekda Provinsi Maluku Sadli Ie.
“Itu cuma sabageang kacil dar bagitu banya parkara yang manurut katong balong dapa pegang bae-bae. Banya kasus yang kaliatang macang ‘parkir’ di meja ato rak arsip kajaksaan,” ujar Almindes.
DPD KNPI Maluku, kata Almindees, taruh harap par Kajaksaan kas unju komitmen panegakan hukum yang transparan, profesional, deng barkeadilan, sahingga seng ada kasan tebang pilih mopun dugaan pangalihan isu di tengah masyarakat.
Almindes bilang parnyataan yang dia sampekan itu par dorong samua proses hukum bajalan jalas, tabuka, deng akuntabel, pas deng publik pung harapan. (Leo)
