AmbonVibes.com — Katua Komisi IV DPRD Provinsi Maluku Saudah Tuanakotta/Tethool kas inga deng tegas, kuota haji Provinsi Maluku taong 2026 sakarang ini cuma 587 jamaah. Jadi warga Maluku yang su lama tinggal lalu mandaftar diri di daerah ini, dong yang musti rasa akang.
“Jang sampe macang tempo hari, jamaah dar luar Provinsi Maluku daftar daftar malalui kabupaten/kota di Maluku par dapa kuota haji,” kata Saudah dalang rapat koordinasi deng Kantor Wilayah Kementerian Haji dan Umrah Provinsi Maluku di ruang Komisi IV DPRD Maluku, Kamis (29/1/2026).
.
“Katong seng bisa lae kas izin praktik macang itu. Taong lalu katong dapa sabageang basar besar kuota justru dapa isi jamaah dar Sulawesi. Taong ini seleksi musti lebe kancang, par yang barangkat batul-batul warga Maluku yang sudah lama mandaftar dan tinggal di sini,” tegas Saudah.
Ia menegaskan, DPRD Maluku akan bersikap tegas mengawal proses penetapan jamaah agar tidak merugikan masyarakat Maluku yang telah menunggu bertahun
Lebe lanjut, Saudah bilang DPRD Maluku mo tarus barjuang par tambah kuota haji yang lebe adil deng proporsional par Maluku.
Manurut Saudah, langkah itu tidak cuma bajalang sandiri, mar juga karja sama deng provinsi laeng yang pung parsoalan sama tagal masa tunggu haji yang panjang.
“Katong mo barjuang deng provinsi-provinsi laeng par pemerentah pusat bisa tinjau kumbali kabijakan kuota, par lebe adil,” ujarnya.
Samantara itu, Kapala Kantor Wilayah Kementerian Haji dan Umrah Provinsi Maluku Djumadi Waly bilang, panurunan kuota haji Maluku dar 1.800 jamaah jadi 587 jamaah, itu dampak rasionalisasi antrean haji nasional.
“Kabijakan ini biking sama masa tunggu haji di seluruh Indonesia jadi 26 tahun. Sabalong ini, Maluku pung masa tunggu cuma 15 tahun,” jelas Djumadi.
Dia tambahkan, kabijakan itu su dapa ator dalang Keputusan Menteri Haji dan Umrah pake sistem waiting list basis komputer, yang lebe utamakan waktu pandaftaran sondor lia asal daerah jamaah.
Djumadi paparkan rincian kuota haji Maluku taong 2026. Kota Ambon jadi daerah deng jamaah lebe banya, yakni 465 orang yang su kas lunas ongkos dan jumlah tersebut itu su final.
Kabupaten/kota laeng dapa kuota kecil, yakni Maluku Tengah 50 orang, Seram Bagian Timur 11 orang, Seram Bagian Barat 8 orang, Buru 12 orang, Kapulauan Aru 7 orang, Maluku Tenggara 3 orang, Buru Selatan 3 orang, Kapulauan Tanimbar 2 orang, dan Maluku Barat Daya nihil kuota.
Sabagai informasi, ongkos haji taong 2026 akang pung basar Rp87,4 juta per jamaah. Dar jumlah itu, jamaah cuma bayar Rp54,1 juta, sadangkan akang pung sisa dapa tanggung dar Badan Pangelola Kauangan Haji (BPKH). (Leo)
