AmbonVibes.com – Samua layanan parizinan yang dapa kelola di Dinas Penanaman Modal dan Pelayanan Terpadu Satu Pintu (DPMPTSP) Kota Ambon su pasti cuma-cuma deng sondor ada pungutan liar (pungli). Kabijakan ini jadi wujud komitmen Pamerentah Kota Ambon dalang maningkatkan akses deng kualitas palayanan publik par samua warga.
Salaeng kase kapastian layanan, kabijakan itu juga par bangong kaparcayaan publik par birokrasi deng ciptakan wer palayanan yang barsih, transparan, deng profesional.
Kepala DPMPTSP Kota Ambon Feberien Maail bilang, saluruh jenis pzrizinan yang di pung instansi kelola seng kena biaya satu sen lai, sesuai deng katentuan paraturan parundang-undangan deng Standar Operasional Prosedur (SOP) yang barlaku.
“Katong mo tegaskan bahwa tarif par samua jenis parizinan di sini nol rupiah. Informasi ini parlu kase bage ka par masyarakat supaya dong seng ragu ato hawatir soal biaya manakala mo urus izin,” kata Feberien par wartawan di dia pung ruang karjan, Senen (26/1/2026).
Untuk pastikan palayanan bajalang barsih deng bebas panyimpangan, Pamerentah Kota Ambon su kas kaluar surat edaran resmi Wali Kota yang larang sagala bantuk gratifikasi deng praktik pungli dalang palayanan publik.
Edaran itu jadi peadoman wajib par saluruh aparatur DPMPTSP dalang manjalankan tugas sahari-hari. Salaeng regulasi formal, dinas juga terapkan sistem pangawasan internal balapis-lapis, mulai dar pimpinan sampe staf palaksana di lapangan.
“Katong jalankan sistem pangawasan yang konsisten deng baku jaga antar anggota tim. Yang paleng utama adalah komitmen barsama par kase pelayanan yang jujur, profesional, deng sesuai harapan masyarakat,” tegas Feberien.
Takait pangaturan jam kerja, Feberien jelaskan, maskipun DPMPTSP Kota Ambon manarapkan pola tiga hari karja deng dua hari libur, palayanan masyarakat tetap bajalan normal sondor gangguan.
Untuk manjamin kontinyutas layanan, samua pagawe dapa bage ke dalang dua kalompok kerja yang batugas baku ganti.
“Ketika satu kalompok libur, kalompok laeng tetap batugas. Katong pastikan palayanan parizinan seng parnah tabrenti, apa pun pangaturan jadwal karja yang ada pake,” ujarnya.
Deng pambageang tugas yang tarancana deng pangalolaan sumber daya manusia yang efektif, Feberien pastikan satiap parmohonan izin tetap dapa proses iko standar waktu palayanan yang su dapa tetapkan.
Feberien tegaskan, saluruh langkah itu marupakan bentuk nyata komitmen DPMPTSP Kota Ambon dalang manjaga kapastian layanan, bae dar sisi waktu, prosedur, maupun kualitas palayanan.
“Malalui panarapan SOP yang jalas, pangawasan barkalanjutan, deng dukungan pono-pono samua aparatur, katong harap DPMPTSP Kota Ambon tarus kase bae mutu palayanan parizinan deng jadi contoh palayanan publik yang bae di Provinsi Maluku,” tutupnya. (Piere)
