AmbonVibes.com – Komisi III DPRD Provinsi Maluku su resmi kase sabanyak 500 item usulan pambangunan infrastruktur ka Kementerian Pekerjaan Umum (PU) dan Komisi V DPR RI. Usulan itu marupakan aspirasi pambangunan dar saluruh wilayah di Maluku yang sakarang malalui proses sinkronisasi lintas instansi teknis.
Katua Komisi III DPRD Provinsi Maluku Alhidayat Wajo sampekan akang par wartawan di Ambon, Senen (26/1/2026), pas biking abis agenda panyampean aspirasi ka kamanterian takait di Jakarta.
Wajo jelaskan, dokumen usulan yang kas maso ka kamanterian itu bukang dapa susun spihak malaengkang malalui tahap sinkronosasi manyaluruh deng barbagai pamangku kapantingan teknis. Di antaranya Balai Wilayah Sungai (BWS) Maluku, Balai Pelaksanaan Jalan Nasional (BPJN), Balai Perumahan, Dinas PUPR Provinsi Maluku, deng Dinas Perumahan Rakyat Provinsi Maluku.
Manurut dia, proses sinkronisasi akang par pastikan satiap usulan banar-banar sesuai kabutuhan riil masyarakat deng kondisi faktual di lapangan.
“Katong seng cuma datang par bacarita mar lebe par kasa maso dokumen usulan yang su matang deng takoordinasi,” ujar Wajo.
Dia ungkapkan, ratusan item usulan itu mancakup ampa bidang utama, yakni pambangunan jalang, jambatan, sistem irigasi, deng panyadiaan aer barsih.
“Usulan ini akang manjangkau saluruh 1.410 desa dan kelurahan di seluruh Provinsi Maluku,” katanya.
Wajo tegaskan, samua itu marupakan kabutuhan mandesak yang maso dalang prioritas nasional deng daerah. Dia nyatakan, pambangunan infrastruktur dasar di Maluku seng bisa tatunda lai.
“Satiap item usulan manyangkut kabutuhan dasar masyarakat Maluku. Tagal itu, katong aku tegaskan ka kamanterian, seng ada satu pun usulan itu yang bisa anggap sepele ato seng parlu,” tegasnya.
Saluruh dokumen usulan itu su kas maso ka dua Direktorat Jenderal di Kementerian PU, yakni Direktorat Jenderal Cipta Karya dan Direktorat Jenderal Bina Marga.
Manurut Wajo, perwakilan Direktorat Jenderal Bina Marga sampaikan bahwa dokumen itu nanti dong proses lalu lapor ke menteri.
“Maski bagitu, masih ada satu dua poin yang parlu dapa biking bae dan biking siap oleh pamerentah daerah,” ungkapnya.
Sabage tindak lanjut, Komisi III DPRD Provinsi Maluku rencana biking rapat koordinasi deng samua Kapala Dinas PUPR kabupaten/kota se-Maluku dalang waktu deka-deka ini.
“Katong mo bahas akang lebe detail kasiapan administrasi deng pamanuhan parsyaratan teknis yang dapa minta. Ini tanggung jawab barsama par kamajuan Maluku, bukang cuma par kepentingan satu wilayah ato lambaga tartantu,” kata Wajo.
Dia tambahkan, sabageang basar usulan itu berkaitan deng pambangunan Deng rehabilitasi jalang-jambatang, yang salama ini jadi kabutuhan utama masyarakat di wilayah kapulauan.
“Proses panghimpunan usulan ini su mulai dar awal taong, barsamaan deng pambantukan panitia karja APBD 2026, lanjut deng sarangkean rapat evaluasi dan koordinasi antara DPRD Provinsi Maluku dan Pemprov Maluku,” tandasnya. (Leo)
