AmbonVibes.com — Warga Kota Tual su tidor sono, mar pas Jumat (9/1/2026) amper pagi, anging kancang batiop deng ujang basar turung. Seng ada yang sangka, pohong basar di robo tindis dua rumah di Jalang Cristina Marta Tiahahu, RT 005 RW 003, Kelurahan Ketsoblak, Kecamatan Pulau Dullah Selatan.
Kapala Bidang Kedaruratan dan Logistik BPBD Kota Tual Ahmad Rahayaan kase tau, pohong robo kira-kira jam 03.35 WIT waktu anging kancang deng hujan turung.
“Pohong ukuran cukup basar robo tindis dua rumah di situ,” ujar Rahayaan.
Rahayaan kastau, akibat pohong robo, bageang-bageng rumah jadi rusak. Kerusakan itu di bubungan, dinding, deng kamar mandi. Paleng untung, seng ada korban jiwa.
Bagitu dapa laporan warga, BPBD Kota Tual langsung koordinasi deng Dinas Lingkungan Hidup serta masyarakat par biking pananganan darurat.
“Katong langsung potong deng kas barsih pohong yang robo, par jang ganggu aktivitas warga,” katanya.
Rahayaan imbau masyarakat lebe waspada, tarutama waktu wer-wer seng bae macang anging kancang deng ujang basar.
“Katong imbau masyarakat par seng ada di bawah pohong ato di sakitar pohong basar waktu anging kancang deng ujang basar,” pungkasnya.
Sabage antisipasi, BPBD Kota Tual siaga personel salama 24 jam di Posko.
“Tim katong standby 24 jam. Masyarakat bisa lapor pake call center 117,” tutupnya. (Vera Renyaan)
