AmbonVibes.com – Pemerentah Kota Ambon rancana mo bale kas bangong Stamplat Passo yang su paleng lama tatidor. Proyek itu makang kepeng Rp35 miliar mar samua orang tau, akang so pono rumpu deng lumut.
Terkenal dengan nama Terminal Transit Paso, akang su mulai karja taong sampe 2007-2015. Akang pung dana dari Kementerian Perhubungan deng APBD Kota Ambon. Mar tagal su lama tatidor bagitu saja, Pemerentah Kota Ambon su pung tekad par mo lanjut pekerjaan lalu mo ubah jadi Kantor Balai Kota Ambon.
Wali Kota Ambon Bodewin Wattimena paleng manyasal kepeng banya-banya itu su kaluar mar bangunan yang ada tinggal tabiar sampe bagitu saja. Bodewin bilang, lebe bae pemerentah pakae akang supaya jang sia-sia.
Deng rencana yang bae, Bodewin bilang gadong itu nanti mo jadi salah satu gadong yang megah sabage pusat panyalanggaraan tugas Pemerentahan, Pambangunan, deng Palayanan Publik.
Bodewin yakin bisa wujudkan rancana itu deng sondor musti korbankan program laeng.
“Apalai sampe haros korbankan hak-hak pagawe,” ujarnya.
Kabaradaan aset Pemkot Ambon yang tabangkale ini buka pikirang para pihak, takait kabutuhan gadong yang representatif par kagiatan pemerintahan. (red)
