AmbonVibes.com – Pesta kambang api di Kota Ambon tatap bajalang rame paskali, maski sabalong ini pemerintah su buju warga seng usah bakar marcon dan kambang api. Samua itu par kas unju empati par korban bencana alam di Sumatera.
Pas jam 00.00 WIT, Rabu (1/1/2026), langit Kota Ambon su pono deng pusparagam bunga api yang manyala dar barbage panjuru. Bukang cuma bunga-bunga mar juga ada bunyi-bunyi dantuman karas yang biking pica kasunyian malang. Momen ini par rayakan pargantian taong 2025 ka 2026, yang bagi sabagieang basar warga tetap dong manyambut deng sukacita dan harapan baru.
Dar sore hari, ribu-ribu warga dar barbage tampa su mulai bakumpul di tampa-tampa strategis di Kota Ambon. Kawasan Lapangan Merdeka (Lapmer) dan Jambatang Merah Putih (JMP) jadi lokasi favorit masyarakat par dudu-dudu tunggu detik-detik pargantian taong.
Salaeng pasta kambang api, warga juga isi parayaan Tambaru 2026 deng rupa-rupa aktivitas, mulai dar bakumpul deng kaluarga, makang malam barsama, sampa baku dapa tamang bae dan orang-orang deka. Bagi sabagenag warga, malang pargantian taong juga jadi ruang refleksi par paristiwa yang su lewat di taong 2025.
Perayaan malam Tambaru 2026 di Ambon barlangsung aman deng tertib berkat pangamanan ketat dar personel gabungan TNI dan Polri. Aros lalu lintas di sajumlah ruas jalang utama tapantau lancar, maski ada paningkatan volume kandaraan di deka-deka pusat-pusat karamean.
Di Pos Pengamanan Gong Pardamaian Dunya, Lapangan Merdeka, sajumlah pejabat daerah hadir par pantau langsung situasi kaamanan. Pajabat itu antara laeng Wali Kota Ambon Bodewin Wattimena, Kapolresta Pulau Ambon dan Pulau-Pulau Lease Kombes Pol Yoga Putra Setya, Ketua DPRD Kota Ambon Morits Tamaela, Sekretaris Kota Ambon Robby Sapulette, deng Hari Sandra.
Wali Kota Ambon Bodewin Wattimena bilang, pemerintah daerah manghormati samangat masyarakat dalam menyambut Tambaru, mar tetap inga par jaga empati deng katartiban.
“Katong su imbau par perayaan biking sederhana sa deng pono kapadulian. Yang penting, situasi malang ini tetap aman deng kondusif,” ujarnya.
Kapolresta Pulau Ambon dan Pulau-Pulau Lease Kombes Pol Yoga Putra Setya pastikan, saluruh rangkean perayaan malam Tambaru bajalang aman takandali.
“Pangamanan bajalang maksimal. Sampe pagi poka-poka. situasi kamtibmas aman, masyarakat rayakan Tambaru deng tartib,” katanya.
Kahadiran para pimpinan daerah itu sakaligus juga mo pastikan, awal 1 Januari 2026 di Kota Ambon paleng kondusif. Pemerentah seng biking pesta, mar rakyat spontan biking akang. (Tim)
