AmbonVibes.com – Pemerentah Kota (Pemkot) Ambon resmi kas kaluar surat edaran takait vakansi deng cuti barsama Aparatur Sipil Negara (ASN) par parayaan Har Kajadiang 2025 deng Tambaru 2026. Bardasar katantuan itu, ASN Ambon mulai libur 23 Desember 2025 sampe 4 Januari 2026. Dong su musti maso karja kumbali 5 Januari 2026.
Wali Kota Ambon Bodewin Wattimena sampekan surat edaran itu waktu pimpin apel barsama deng ASN di Kintal Taman Pattimura Ambon, Senen (22/12/2025).
Dalang arahan, Wali Kota Bodewin ajak samua ASN par pake masa vakansi tutu taong deng bae, tarutama par dong yang rayakan Hari Raya Kajadiang 25 Desember.
“Pake waktu vakandi ini deng bae, kumpul deng kaluarga, tetap ati-ati dalang parjalanang,” ujar Bodewin.
Dia juga biking inga ASN par tetap jaga sikap deng etika sabage aparatur negara, maski sedang ada dalam masa vakansi.
Salaeng sampekan jadwal vakansi, Wali Kota Ambon juga singgung tantangan pambangunan yang nanti mo dapa par taong 2026. Manurut Bodewin, taong muka skang jadi periode yang seng gampang, mar musti samua tongka akang deng optimisme dan samangat kabarsamaan.
“Taong 2026 akang jadi ujian yang lebe barat. Mar katong seng boleh pesimis deng putus asa. Katong hadapi barsama par bangong Kota Ambon,” tegasnya.
Bodewin berharap seluruh ASN Pemkot Ambon tetap menjaga semangat pelayanan publik, memperkuat solidaritas, serta meningkatkan kinerja demi menjawab berbagai tantangan pembangunan kota ke depan. (Piere)
